ద‌ర్శ‌క‌ధీరుడు రాజ‌మౌళి ప్ర‌భాస్ – రానాను పెట్టి బాహుబ‌లి సినిమా రెండు పార్టులుగా తీశాడు. సూప‌ర్ స‌క్సెస్‌. అస‌లు బాహుబ‌లి 2 సినిమా అయితే దేశ‌వ్యాప్తంగానే సూప‌ర్ పాపుల‌ర్ అయిపోయింది. ఈ సినిమా దెబ్బ‌తో రాజ‌మౌళి క్రేజ్ ఎక్క‌డికో వెళ్లిపోయింది. త‌ర్వాత త్రిబుల్ ఆర్ సినిమాతో రామ్‌చ‌ర‌ణ్ – ఎన్టీఆర్‌ను పెట్టి తీస్తే ఏకంగా ఆస్కార్ అవార్డు ద‌క్కింది.
ఇక ఇప్పుడు మ‌హేష్‌బాబుతో సినిమా తెర‌కెక్కిస్తున్నాడు. మూడు వ‌రుస బ్లాక్‌బ‌స్ట‌ర్ హిట్ సినిమాల త‌ర్వాత రాజ‌మౌళి డైరెక్ట్ చేస్తోన్న సినిమాపై కనీవినీ ఎరుగ‌ని రేంజ్‌లో అంచ‌నాలు అయితే ఉన్నాయి. పైగా మ‌హేష్ ఇటు టాలీవుడ్ సూప‌ర్‌స్టార్‌. వీరిద్ద‌రి కాంబినేష‌న్లో సినిమా కోసం 20 ఏళ్లుగా అంద‌రూ వెయిట్ చేస్తున్నారు. ఎట్ట‌కేల‌కు ఈ సినిమా ఈ యేడాది చివ‌రి నుంచి సెట్స్ మీద‌కు వెళ్ల‌నుంది.
ఇప్పుడు ఈ సినిమా నుంచి మ‌రో ఇంట్ర‌స్టింగ్ న్యూస్ బ‌య‌ట‌కు వ‌చ్చింది. ఈ సినిమాను రాజ‌మౌళి హాలీవుడ్ స్టైల్లో తెర‌కెక్కించాల‌నుకుంటున్నాడు. అందుకే మ‌రో హీరో ఉంటే సినిమాకు బాలీవుడ్, హాలీవుడ్ రేంజ్‌లో క్రేజ్ వ‌స్తుంద‌ని వీళ్ల ప్లాన్‌. మ‌హేష్‌ది మెయిన్ లీడ్ రోల్‌. అయితే బాలీవుడ్ సీనియ‌ర్ హీరో సంజ‌య్ ద‌త్ కూడా కీల‌క పాత్ర‌లో క‌నిపిస్తాడ‌ట.
సంజ‌య్‌ద‌త్‌ది కాకుండానే మ‌రో మూడో హీరో కూడా ఉంటాడ‌ట. ఆ హీరో బాలీవుడ్ హీరో అవుతాడా లేదా… త‌మిళ స్టార్ హీరో అవుతాడా.. లేదా హాలీవుడ్ హీరో అవుతాడా ? అనేది ప్ర‌స్తుతానికి అయితే సస్పెన్స్.
