శిల్పాశెట్టి..తెలుగులో సాహసవీరుడు సాగరకన్య సినిమాతో ఎంట్రీ ఇచ్చింది. దర్శకేంద్రుడు కె రాఘవేంద్ర రావు ఈ సినిమాకి దర్శకుడు. వెంకటేశ్ హీరోగా నటించాడు. కమర్షియల్‌గా అంత సక్సెస్ కాకపోయినా శిల్పాశెట్టికి తెలుగులో మాత్రం మంచి క్రేజ్ వచ్చింది. ఈ సినిమా తర్వాత నాగార్జున సరసన ఆజాద్ సినిమాలో నటించింది.
ఈ సినిమా సూపర్ హిట్ సాధించింది. అలాగే, మోహన్ బాబు సరసన వీడెవడండీ బాబూ, భలేవాడివి బాసు చిత్రాలు చేసింది. ఈ సినిమాలు హిట్ కాకపోయినా శిల్పాశెట్టికి మాత్రం బాగానే ఉపయోగపడ్డాయి. అయితే, తెలుగు కంటే హిందీలోనే ఎక్కువ ఫోకస్ చేసింది శిల్పాశెట్టి. అక్కడ మార్కెట్ ఎక్కువ. హీరోయిన్స్ కి కూడా మంచి రెమ్యునరేషన్ ఇస్తారు.
బాలీవుడ్ తో పోల్చుకుంటే టాలీవుడ్ లో అప్పట్లో హీరోయిన్స్ కి రెమ్యునరేషన్ తక్కువ. కానీ, చాలామంది ముంబై మోడల్స్ హీరోయిన్‌గా ఎంట్రీ ఇవ్వాలంటే ముందు తెలుగు ఇండస్ట్రీకే ట్రై చేస్తారు. శిల్పాశెట్టి కూడా తన చెల్లి షమితా శెట్టిని సౌత్ లో స్టార్ హీరోయిన్ గా చూడాలనుకుంది. అందుకే తెలుగులో కోడి రామకృష్ణ దర్శకత్వం వహించిన పిలిస్తే పలుకుతా సినిమాలో ఛాన్స్ దక్కేలా చేసింది.
కానీ, ఇది భక్తి ప్రధానమైన సినిమా. స్కిన్ షోకి, అందాల ఆరబోతకి అంతగా ఆస్కారం లేని సినిమా. కాబట్టి షమితా శెట్టి తెలుగులో వేసిన మొదటి అడుగే తప్పటడు. పోనీ ఈ సినిమా ఏమైనా అన్నమయ్య మాదిరిగా సక్సెస్ అయిందా..? అంటే అసలు తలుచుకున్నవారు కూడా లేరు. దాంతో అన్ని విధాలుగా అక్క పేరు చెప్పి తెలుగులో వెలుగుదామనుకున్న షమితా శెట్టి కెరీర్ అలా ఆరిపోయింది.
