ప్రజెంట్ సినిమా ఇండస్ట్రీలో ఎక్కడ చూసినా సరే టాలీవుడ్ సీనియర్ నటుడు చంద్రమోహన్ కి సంబంధించిన వార్తలే ఎక్కువగా వినిపిస్తున్నాయి. సినిమా ఇండస్ట్రీలో తనకంటూ ప్రత్యేక గుర్తింపు సంపాదించుకున్న ఆయన.. నేడు ఉదయం 9 గంటల 45 నిమిషాలకు తుది శ్వాస విడిచారు. అపోలో హాస్పిటల్స్ లో చికిత్స్ తీసుకుంటూ తిరిగిరాని లోకాలకు వెళ్లిపోయారు. ఆయన మృతి పట్ల సినీ ప్రముఖులు తీవ్ర దిగ్భ్రాంతి వ్యక్తం చేస్తున్నారు.
ఈ క్రమంలోనే ఆయనకు సంబంధించిన ఇంట్రెస్టింగ్ వార్తలు సోషల్ మీడియాలో వైరల్ అవుతున్నాయి . ఇక చంద్రమోహన్ కుటుంబ విషయానికొస్తే.. 1943 మే 23న ఆయన మద్రాస్ లో జన్మించారు. ఆయన పూర్తిపేరు మల్లంపల్లి చంద్రశేఖర్ రావు. వెండితెరపేరు చంద్రమోహన్. చంద్రమోహన్ భార్య జలంధర. వీరిద్దరికి ఇద్దరు కుమార్తెలు ఉన్నారు. దాదాపు 932 సినిమాలకు పైగా నటించిన ఆయన తన కూతుర్లని ఇండస్ట్రీలోకి హీరోయిన్లు గా రానివ్వలేదు . అయితే చంద్రమోహన్ స్వయాన సోదరి కొడుకు మాత్రం తెలుగు ఇండస్ట్రీలో స్టార్ట్ ప్రొడ్యూసర్ గా కొనసాగుతున్నారు .
ఈ విషయం చాలా తక్కువ మందికే తెలుసు. ఆ స్టార్ ప్రొడ్యూసర్ మరెవరో కాదు శివలెంక కృష్ణ ప్రసాద్. ఈయన శ్రీదేవి మూవీస్ బ్యానర్ అధినేత . నిజానికి చంద్రమోహన్ ప్రోధ్బలంతోనే.. శివలెంక కృష్ణ ప్రసాద్ ఇండస్ట్రీలోకి వచ్చారట . అంతేకాదు చంద్రమోహన్ రాజేంద్రప్రసాద్ లతో చిన్నోడు పెద్దోడు అనే ఒక సినిమాను తీశారు .. ఆ తర్వాత నందమూరి బాలకృష్ణతో ఆదిత్య 369, వంశానికొక్కడు ,ఊయల ,అనగనగా ఒక అమ్మాయి ,భలేవాడివి బాసు ,నాని జెంటిల్మెన్, సమ్మోహనం సినిమాలను తీశారు. అంతేకాదు రీసెంట్గా సమంత పాన్ ఇండియా స్ధాయిలో నటించిన యశోద సినిమాను సైతం తెరకెక్కించారు. ఇదే విషయాని ట్రెండ్ చేస్తున్నారు అభిమానులు..!!
