టాలీవుడ్ లో నందమూరి హీరో కళ్యాణ్ రామ్ ఇటీవల అమీగోస్ సినిమాతో ప్రేక్షకుల ముందుకు వచ్చారు. బింబిసార లాంటి సూపర్ డూపర్ హిట్ సినిమా తర్వాత కళ్యాణ్ రామ్ నటించిన ఈ సినిమా ఆశించిన స్థాయిలో సక్సెస్ అందుకోలేదు. ప్రస్తుతం కళ్యాణ్ రామ్ డెవిల్ ది సీక్రెట్ బ్రిటిష్ ఏజెంట్ అనే సినిమా చేస్తున్న సంగతి తెలిసిందే. ఈ సినిమా త్వరలోనే రిలీజ్ అవుతుంది.
తాజాగా కళ్యాణ్ రామ్ తన కెరీర్ లో 21వ సినిమాను ఓకే చేశారు. ఈ సినిమా తాజాగా పూజా కార్యక్రమాలతో గ్రాండ్ గా ప్రారంభోత్సవం జరుపుకుంది. ఈ సినిమాను అశోక క్రియేషన్స్ – ఎన్టీఆర్ ఆర్ట్స్ సంస్థలు కలిసి భారీ బడ్జెట్ తో నిర్మిస్తున్నాయి. గతంలో నారా రోహిత్ – నందమూరి తారకరత్న ప్రధాన పాత్రలలో తెరకెక్కిన రాజ చెయ్యి వేస్తే సినిమాకి దర్శకత్వం వహించిన ప్రదీప్ చిలుకూరి ఈ సినిమాను తెరకెక్కిస్తున్నారు.
విచిత్రం ఏంటంటే ఈ సినిమాలో లేడీ సూపర్ స్టార్ విజయశాంతి – కళ్యాణ్ రామ్‌కు అత్తగా కీలకపాత్రలో కనిపిస్తున్నట్టు తెలుస్తోంది. గతంలో కళ్యాణ్‌రామ్ బాబాయ్ బాలయ్య – విజయశాంతి కాంబినేషన్లో ఎన్నో సూపర్ డూపర్ హిట్ సినిమాలు వచ్చాయి. వీరిద్దరిది ఎంత గొప్ప హిట్ ఫెయిరో చెప్పక్కర్లేదు. అప్పుడు బాబాయితో నటించిన విజయశాంతి ఇప్పుడు అబ్బాయికి అత్తగా నటిస్తున్నారు.
ఈ సినిమాలో హీరోయిన్గా స‌యి మంజ్రేకర్ నటిస్తున్నారు. ఆమె విజయశాంతి కూతురుగా నటిస్తుందని సమాచారం. ఏది ఏమైనా కళ్యాణ్ రామ్ – విజయశాంతి కాంబినేషన్ సినిమాపై మంచి క్రేజ్ వచ్చింది. దీనికి తోడు తొలిసారిగా కళ్యాణ్ రామ్ కు జోడిగా బాలీవుడ్ ముద్దుగుమ్మ స‌యి మంజ్రేకర్ నటిస్తుండటం కూడా సినిమాకు ప్లస్‌ కానుంది. అంజనీష్‌ లోకనాథ్ సంగీతం అందించే ఈ సినిమా పూర్తి వివరాలు త్వరలోనే వెల్లడి కానున్నాయి.
