ప్రస్తుతం టాలీవుడ్ లో ఎవరి నోట విన్నా.. వినిపించే ఒకే ఒక పేరు శ్రీలీల. శ్రీలీల ఏ సినిమాలో ఉంటే ఆ సినిమా సూపర్ హిట్. పెళ్లి సందడి, ధమాకా, భగవంత్‌ కేసరి పెద్ద హిట్లు. స్కంద ప్లాప్ అయినా మరీ అంత డిజాస్టర్ అయితే కాదు. 70 శాతానికి పైగా బ్రేక్ ఈవెన్ అయింది. ఇక మహేష్ బాబు, పవన్ కళ్యాణ్, నితిన్ లాంటి స్టార్ హీరోల సినిమాలలో కూడా శ్రీలీల నటిస్తోంది. బన్నీ, రామ్ చరణ్ కూడా శ్రీలీల మీద కన్నేసి ఉన్నారు. శ్రీలీల పట్టిందల్లా బంగారం అవుతుంది.
ఇలాంటి టైంలో శ్రీలీలకు రౌడీ హీరో విజయ్ దేవరకొండ సినిమాలో ఛాన్స్ వచ్చినట్టే వచ్చి చేజారింది.
విజయ్ దేవరకొండ – దర్శకుడు గౌతమ్ తిన్ననూరి కలయికలో పాన్ ఇండియా సినిమా తెరకెక్కుతోంది. సితార సంస్థ భారీ బడ్జెట్ తో ఈ సినిమా నిర్మిస్తోంది. విజయ్ దేవరకొండ కెరీర్ లో 12వ సినిమాగా తెరకెక్కే ఈ సినిమాకు ముందు ఫిక్స్ చేసుకున్న హీరోయిన్ శ్రీలీల. నిర్మాత నాగవంశీ కూడా మ్యాడ్ సినిమా స‌క్సెస్ మీట్‌లో ఈ విషయాన్ని అధికారికంగా ప్రకటించారు.
అయితే ఇప్పుడు శ్రీలీల స్థానంలో అఖిల్ ఏజెంట్ భామ సాక్షి వైద్య‌ని దాదాపు ఖరారు చేసినట్టు తెలిసింది. ఫ్యామిలీ స్టార్ కోసం.. తిన్ననూరి ప్రాజెక్ట్ ని కాస్త లేట్ చేయడంతో శ్రీలీల జనవరి తర్వాత కొత్త సినిమాలుకు డేట్స్ ఇవ్వలేని పరిస్థితిలో ఉంది. పైగా ఆమె డిసెంబర్‌లో ఎంబిబిఎస్ పరీక్షలు కోసం బ్రేక్ తీసుకుంది. జనవరి నుంచి శ్రీలీల డేట్‌లు ఇవ్వలేదని చెప్పేసింద‌ట.
ఇప్పుడు ఆమెను తప్పించి.. ఆ ప్లేస్‌లో సాక్షి వైద్యను రీప్లేస్‌ చేసినట్టు తెలుస్తోంది. ఇదే నిజం అయితే సాక్షి వైద్య సుడి తిరిగినట్టే అనుకోవాలి. ఆమె మొదటి రెండు సినిమాలు అఖిల్ ఏజెంట్, వరుణ్ తేజ్ గాండీవధారి అర్జున్‌ అతి దారుణంగా డిజాస్టర్ అయ్యాయి. ఈ టైంలో విజయ్ దేవరకొండ సినిమాలో ఛాన్స్ అంటే ఆమెకు సుడి తిరిగినట్టే.. ఈ సినిమా హిట్ అయితే చాలు సాక్షి వైద్య కాస్త టాలీవుడ్ లో సెటిల్ అయినట్టే.
