యంగ్ టైగర్ ఎన్టీఆర్ ప్రస్తుతం కొరటాల శివ దర్శకత్వంలో దేవర సినిమాలో నటిస్తున్న సంగతి తెలిసిందే. అయితే అందరి అంచనాలు తలకిందులు చేస్తూ దర్శ‌కుడు కొరటాల దేవర సినిమా రెండు భాగాలుగా రాబోతుందని అధికారికంగా ప్రకటించాడు. ఈ ప్రకటన వచ్చినప్పటి నుంచి ఎన్టీఆర్ తో ప్రశాంత్ నీల్ చేయబోయే సినిమాలపై రకరకాల సందేహాలు తలెత్తుతున్నాయి.
ఎన్టీఆర్ – ప్రశాంత్ కాంబోలో సినిమా చాలా ఆలస్యం కావచ్చు అంటూ కథనాలు కూడా వచ్చేసాయి. దీంతో ప్రశాంత్‌తో పాటు మైత్రీ మూవీస్ కూడా అలెర్ట్‌ అయిపోయారు. ఎన్టీఆర్ – ప్రశాంత్ నీల్ సినిమాపై క్లారిటీ ఇచ్చేశారు. ఈ సినిమా వచ్చే ఏడాది ఏప్రిల్ నుంచి సెట్స్ మీదకు వెళుతుందని మైత్రి మూవీ మేకర్స్ అఫీషియల్ గా ప్రకటించింది. దేవర 1 అదే టైంలో రిలీజ్ కాబోతున్న సంగతి తెలిసిందే.
అంటే దేవర 1 రిలీజ్ అయిన వెంటనే ఎన్టీఆర్ – ప్రశాంత్ నీల్ సినిమా సెట్స్ మీదకు వస్తుందని క్లారిటీ ఇచ్చేసింది మైత్రి మూవీస్. ఎన్టీఆర్ – ప్రశాంత్ నీల్ సినిమా పూర్తి అయిన తర్వాత దేవర 2 మొదలవుతుంది. ఇక్కడ ఎన్టీఆర్ ఒకడు మాత్రమే కాదు.. టోటల్ దేవర టీం ఎవ‌రి ప‌నుల్లో వారు బిజీ అవుతారు.
విల‌న్‌గా చేస్తోన్న సైఫ్ ఆలీఖాన్ – జాన్వీక‌పూర్ కూడా ఇతర ప్రాజెక్టుల మీదకు వెళతారు. ఒక కొరటాల మాత్రమే దేవర 2 పనిమీద బిజీగా ఉంటాడు. ఓవరాల్ గా ఎన్టీఆర్ – ప్రశాంత్ నీల్ సినిమా ఆలస్యం అవుతుందన్న పుకార్ల‌కు చెక్ పెట్టేశారు.
