టాలీవుడ్ స్టార్ డైరెక్టర్ అనిల్ రావిపూడి బహిరంగ క్షమాపణలు చెప్పారు .అలా చేయడం మా తప్పే క్షమించండి అంటూ ఓపెన్ గా ఇప్పుడు సారీ చెప్పడం సినిమా ఇండస్ట్రీలో సోషల్ మీడియాలో వైరల్ గా మారింది . బాలకృష్ణతో భగవంత్ కేసరి అనే సినిమాను ఆయన తెరకెక్కించిన విషయం తెలిసిందే . ఈ సినిమా దసరా కానుకగా అక్టోబర్ 19న రిలీజ్ అయింది . మొదటి షో తోనే బిగ్గెస్ట్ బ్లాక్ బస్టర్ హిట్ అందుకున్న ఈ సినిమా బాక్సాఫీస్ వద్ద సంచలన విజయాన్ని నమోదు చేసుకుంది.
కాగా సినిమా సక్సెస్ అవ్వడంతో ప్రెస్ మీట్ లో పాల్గొన్న అనిల్ రావిపూడి రిపోర్టర్స్ అడిగిన ప్రశ్నలకు ఓపికగా సమాధానం చెప్పారు . ఇలాంటి క్రమంలోని ఓ రివ్యూర్పై మండిపడ్డారు . “శ్రీ లీల ఈ సినిమాలో డాన్స్ చేయలేదు అని అసహనం వ్యక్తం చేశాడు ఆ రివ్యూవర్.. ఆయన ఎవరో కూడా నాకు తెలుసు.. ఒక ఫోబియాతో బాధపడుతూ ఆర్మీలో చేరడం లక్ష్యంగా కష్టపడే అమ్మాయిగా శ్రీ లీలా ఈ పాత్రను డిజైన్ చేశాం .కానీ ఆయన ఆ పాత్ర నుండి డ్యాన్స్ ఆశించాడు ..సినిమా చూసే దృష్టి కోణం అంత దారుణంగా ఉంది” అంటూ ఫైర్ అయ్యారు .
ఈ క్రమంలోనే ఓ రిపోర్టర్..” మీరు సినిమాలో మిస్టేక్ చేశారు.. శరత్ కుమార్ సినిమాలో జైలర్ ..కానీ బ్రేకింగ్ న్యూస్ లో సిఐ మరణం అని స్క్రోలింగ్ వేశారు “అంటూ ప్రశ్నించారు . అయితే అనిల్ రావిపూడి సైతం ఈ తప్పును యాక్సెప్ట్ చేశారు . “అంత పెద్ద కమర్షియల్ సినిమాలో మీరు ఇంత చిన్న మిస్టేక్ గుర్తించడం నిజంగా గ్రేట్.. నిజంగా అది మా తప్పే సారీ అంటూ పబ్లిక్ గా ఆయనకు క్షమాపణలు చెప్పారు”. దీంతో అంత పెద్ద డైరెక్టర్ ఆయనకు క్షమాపణలు చెప్పడంతో ఈ న్యూస్ వైరల్ గా మారింది..!!
