టాలీవుడ్ యంగ్ హీరో కిరణ్ అబ్బవరం రాజావారు రాణిగారు సినిమాతో తెలుగు తెరకు పరిచయం అయ్యారు. ఇదే సినిమాతో టాలీవుడ్ లో హీరోయిన్గా ఎంట్రీ ఇచ్చింది రహస్య గోరక్. ఈ సినిమాలో హీరో హీరోయిన్లుగా వీరికి మంచి గుర్తింపు వచ్చింది. అయితే రాజావారు రాణి గారు షూటింగ్ సమయంలో కిరణ్ – రహస్య మధ్య మొదలైన స్నేహం ఆ తర్వాతగా ప్రేమగా మారింది అన్న గుసగుసలు ఉన్నాయి. సోషల్ మీడియాలో వీరిద్దరిని ప్రేమ పక్షులుగా పేర్కొంటూ ఎన్నో వార్తలు వచ్చాయి.
అయినా వీరిద్దరూ పట్టించుకోలేదు ఆ తర్వాత కిరణ్ వెకేషన్ కి వెళ్ళగా అక్కడి దిగిన ఫోటోలు షేర్ చేశాడు. అటు రహస్య కూడా అదే లొకేషన్‌లో దిగిన ఫోటో షేర్ చేయడంతో వీరిద్దరూ కలిసి షికారుకు వెళ్లినట్టు అడ్డంగా దొరికిపోయారు. ఆ తర్వాత కిరణ్ అబ్బవరం గృహప్రవేశ వేడుకల్లోను రహస్య సందడి చేయటంతో వీరిద్దరి మధ్య మొత్తానికి సంథింగ్ సంథింగ్ నడుస్తుందని అందరు ఫిక్స్ అయ్యారు. తాజాగా మరోసారి అడ్డంగా దొరికిపోయాడు కిరణ్.
పీపుల్స్ మీడియా ఫ్యాక్టరీ దావత్ అనే కొత్త షోను మొదలుపెట్టింది. ఈ షోలోకి మొదటి గెస్ట్ గా విచ్చేశాడు కిరణ్. షోలోకి వచ్చే రావటంతోనే తన లవ్ లైఫ్ గురించి అడిగేసింది హోస్ట్ అషురెడ్డి. రహస్య – గోరక్ మీరు బంధంలో ఉన్నారా ? అని అడగడంతో అలాంటిదేమీ లేదని.. అలాంటిది ఉంటే తానే చెప్తామని బదులిచ్చాడు. చెప్తాము అంటున్నారంటే ఇద్దరు కలిసి ఒకేసారి పెళ్లి డేట్ ఎప్పుడో ? చెప్తారా అని ఆట పట్టించింది అషురెడ్డి.
దీంతో సిగ్గు పడిపోయిన కిరణ్ నేను ఇచ్చిన ఇంటర్వ్యూలలో ఎప్పుడు ఇంతలా దొరికిపోలేదు అని చెప్పుకొచ్చాడు. దొరికిపోయాను అంటున్నాడు అంటే ? నిజంగానే వీళ్లిద్దరూ లవ్ లో ఉన్నట్టే అని అందరూ ఫిక్స్ అవుతున్నారు. ప్రస్తుతం ఈ వీడియో సోషల్ మీడియాలో బాగా వైరల్ అవుతుంది.
