గాడ్ ఆఫ్ మోసెస్ నందమూరి బాలకృష్ణ హీరోగా అనిల్ రావిపూడి దర్శకత్వంలో తెర‌కెక్కిన మోస్ట్ అవైటెడ్ సినిమా భగవంత్ కేసరి. కాజల్ హీరోయిన్గా, శ్రీలీల కీలకపాత్రలో నటించిన ఈ సినిమా దసరా కానుకగా అక్టోబర్ 19న రిలీజ్ అవుతుంది. ఈ సినిమా హైలెట్స్ ఒక్కొక్కటి బయటకు వస్తున్నాయి. భగవంత్ కేసరి సినిమా టాప్ 10 హైలెట్స్ ఎలా ఉండబోతున్నాయో ఒకసారి చూద్దాం.
1- బాలయ్య – అనిల్ రావిపూడి కాంబినేషన్ అంటేనే తిరుగులేని క్రేజ్ ఉంటుంది. బాలయ్య పక్కా యాక్షన్ హీరో.. అనిల్ రావిపూడి కామెడీ డైరెక్టర్. వీరిద్దరి కాంబినేషన్లో తొలిసారిగా తెర‌కెక్కుతున్న ఈ సినిమా సరికొత్తగా ఉంటుందన్న అంచనాలు ఉన్నాయి.
2- బాలయ్యకు వరుసగా మూడు సూపర్ డూపర్ హిట్లు వచ్చి రెండున్నర దశాబ్దాలు దాటుతోంది. అప్పుడెప్పుడో 1990వ దశంలో బాలయ్యకు వరుసగా మూడు హిట్లు పడ్డాయి. మళ్లీ ఇన్నేళ్ల‌కు అఖండ – వీర సింహారెడ్డి తర్వాత భగవంత్ కేసరి సినిమాతో కచ్చితంగా బాలయ్య వరుసగా మూడు సూపర్ హిట్ లు తన ఖాతాలో వేసుకుంటాడన్న అంచనాలు ఉన్నాయి.
3- భగవంత్ కేసరి సినిమా రన్ టైం 155 నిమిషాలుగా వచ్చింది. ఇది బాలయ్య సినిమాకు డీసెంట్ రన్ టైం అని చెప్పాలి.
4- బాలయ్య సినిమాలలో చేతిలో ఒక స్పెషల్ ఆయుధం ఉంటుంది. ఈ క్రమంలోనే భగవంత్ కేసరి సినిమాలో బాలయ్య చేతిలో ఒక ప్రత్యేకమైన వెపన్ కనిపిస్తుంది. బాలయ్య ఈ సినిమాలో క‌థానుసారం ఫ్యాక్టరీలో పని చేస్తాడు. ఈ క్రమంలోనే ఒక వెపన్ బాలయ్యకు ఆయుధంగా వచ్చింది.
5- బాలయ్య చేతిలో పోస్టర్లలో కనిపిస్తున్న వెపన్ ఫైట్ సీన్ ఇంటర్వెల్లో వస్తుంది. ఇది సినిమాలో నెక్స్ట్ లెవెల్ లో ఉండబోతుంది.
6- ఇక బాలీవుడ్ సీనియర్ హీరో అర్జున్ రామ్ పాల్ ఈ సినిమాలో విలన్ గా నటిస్తున్నారు. బాలయ్య – అర్జున్ రాంపాల్ మధ్య వచ్చే యాక్షన్ సీన్ టగ్ ఆఫ్ వార్‌గా ఉంటుంది. ముందుగా అర్జున్ రాంపాల్ బాలయ్యనే బీట్ అవుట్ చేసేలా ఫైట్ చేస్తాడు. ఆ తర్వాత బాలయ్య తన యాక్షన్ విశ్వరూపంతో అర్జున్ రాంపాల్‌పై విరుచుకుపడతాడు. ఈ టగ్ ఆఫ్ వార్ వల్ల ఆ ఫైట్ పర్ఫెక్ట్ గా బ్యాలెన్స్ అయిందట.
7- ఇక ఈ సినిమాలో మొత్తం ఎనిమిది ఫైట్లు ఉన్నాయి. ప్రతి ఫైట్ చాలా కొత్తగా ఉండేలా దర్శకుడు అనిల్ రావిపూడి – ఫైట్ మాస్టర్ వెంకట్ ఎన్నో జాగ్రత్తలు తీసుకున్నారు. ముఖ్యంగా బాలయ్య బాడీ లాంగ్వేజ్, కథ, సిచ్చువేషన్, లోకేషన్ తగ్గట్టుగా ఫైట్లు డిజైన్ చేసుకున్నార‌ట.
8- సీనియర్ హీరోయిన్ కాజల్.. బాలయ్యకు జోడీగా న‌టిస్తోన్న తొలి సినిమా ఇది. అస‌లు వీరిద్దరి కాంబినేషన్లో సినిమా ఎప్ప‌ట‌కీ రాద‌ని టాలీవుడ్ సినీ జ‌నాలు ఫిక్స్ అయ్యారు. అనూహ్యంగా కాజ‌ల్‌కు పెళ్ల‌య్యాక బాలయ్యకు జోడీగా ఛాన్స్ రావ‌డం విశేషం.
9- టాలీవుడ్‌లో వ‌రుస సూపర్ హిట్ల‌తో దూసుకుపోతోన్న శ్రీలీల ఈ సినిమాకు స్పెషల్ ఎట్రాక్ష‌న్ కానుంది.
10- బాలయ్య కెరీర్‌లో ఫ‌స్ట్ టైం రు.100 కోట్ల‌కు పైగా ప్రి రిలీజ్ బిజినెస్ జ‌రిగిన తొలి సినిమాగా భగవంత్ కేసరి రికార్డుల్లోకి ఎక్కింది.
