నటసింహం నందమూరి బాలకృష్ణ తాజాగా నటిస్తున్న సినిమా భగవంత్ కేసరి. అఖండతో థియేటర్లలో అఖండ గర్జన మోగించిన బాలయ్య.. ఈ ఏడాది సంక్రాంతికి వీరసింహారెడ్డి గా బాక్సాఫీస్ దగ్గర గర్జించారు. ఈ రెండు సినిమాలు సూపర్ డూపర్ హిట్ అయ్యాయి. చాలా ఏళ్ల తర్వాత బాలయ్యకు వరుసగా రెండు సూపర్ హిట్లు దక్కాయి. తాజాగా అనిల్ రావిపూడి దర్శకత్వంలో బాలయ్య నటించిన భగవంత్ కేసరి సినిమా దసరా కానుకగా ఈ నెల 19న థియేటర్లలోకి వస్తోంది.
అఖండ సినిమాలో బాలయ్యకు జోడిగా ప్రగ్యా జైస్వాల్ నటించింది. ఆ సినిమాలో ప్రగ్య కలెక్టర్ పాత్రలో కనిపించింది. బాలయ్య – ప్రగ్య మధ్య లవ్ ట్రాక్ పెద్దగా లేకుండానే బోయపాటి వారిద్దరి పెళ్లి చేసేసారు. ఇక వీరసింహారెడ్డి సినిమాలో శృతిహాసన్ కంటే హనీ రోజ్‌తోనే బాలయ్య ఎమోషనల్ లవ్ ట్రక్ బాగా పండింది. ఇప్పుడు భగవంత్ కేసరి సినిమాలో బాలయ్య – కాజల్ మధ్య లవ్ ట్రాక్ ఉంటుందా ? అన్న సందేహం సహజంగానే ఉంటుంది.
అయితే దీనిపై దర్శకుడు అనిల్ రావిపూడి క్లారిటీ ఇచ్చేశారు. బాలయ్య – కాజల్ మధ్య లవ్ ట్రాక్ కూడా సినిమాటిక్‌గా లేకుండా చాలా నేచురల్ గా తెరకెక్కించినట్టు అని తెలిపారు. ఒక పెద్ద మనిషి.. ఒక పెద్దావిడ కలిసి తమ అనుబంధాన్ని ఎలా షేర్ చేసుకుంటారో ? వీరిద్దరి ప్రేమ కూడా తెరమీద అలాగే ఉంటుందని క్లారిటీ ఇచ్చారు. బాలయ్య – కాజుల్‌ మధ్య వచ్చే ఈ ట్రాక్లో చిన్న ఫన్ కూడా ఉంటుందని క్లారిటీ ఇచ్చారు.
ఇప్పటికే రిలీజ్ అయిన ప్రచార చిత్రాలు, టీజర్లు, ట్రైలర్లు చూస్తుంటే సినిమాలో బాలయ్య డిఫరెంట్ గెటప్ లో కనిపిస్తున్నాడని తెలుస్తోంది. ఇక కాజల్ పాత్ర కూడా అలాగే ఉండబోతుంది.. అయితే వీరిద్దరూ మిడిల్ ఏజ్ లో ప్రేమలో పడతారా ? లేదా అప్పటికే పెళ్లి చేసుకోకుండా అలాగే ఉండిపోయి మిడిల్ ఏజ్ వచ్చాక కలుసుకుంటారా అన్నది ప్రస్తుతానికి సస్పెన్స్.
