నటసింహం నందమూరి బాలకృష్ణ హీరోగా సక్సెస్ఫుల్ డైరెక్టర్ అనిల్ రావిపూడి దర్శకత్వంలో తెరకెక్కిన యాక్షన్ ఎంటర్టైనర్ భగవంత్ కేసరి. ఈ దసరా కానుకగా అక్టోబర్ 19న ప్రేక్షకుల ముందుకు వచ్చిన ఈ సినిమా తెలుగులో కాస్త మిక్స్‌డ్‌ టాక్ తెచ్చుకుంది. ఈ సినిమా చూసిన కొందరు భిన్నాభిప్రాయాలు వ్యక్తం చేశారు. అయితే రెండో రోజు నుంచి అనూహ్యంగా పుంజుకున్న ఈ సినిమా బాక్సాఫీస్ దగ్గర తన జోరు చూపించింది. తొలివారం ముగిసేసరికి ఈ సినిమా వరల్డ్ వైడ్ గా రూ.112.18 కోట్ల గ్రాస్ వసూళ్లతో బాక్సాఫీస్ దగ్గర సెన్సేషనల్ విజయం సాధించింది.
అలాగే ఈ సినిమాకు తొలివారం ముగిసేసరికి ప్రపంచవ్యాప్తంగా రూ.55 కోట్లకు పైగా షేర్ వచ్చింది. ఇక 8 రోజులు ముగిసేసరికి భగవంత్ కేసరి సినిమాకు రూ.122 కోట్ల గ్రాస్ వచ్చినట్టు ట్రేడ్ వర్గాలు చెబుతున్నాయి. షేర్ కూడా రూ.60 కోట్ల దగ్గర్లో ఉందని తెలుస్తోంది. ఈ క్రమంలోనే బాలయ్య అఖండ, వీరసింహారెడ్డి, భగవంత్ కేసరి సినిమాలతో మూడు వరుసగా రూ.100 కోట్ల సినిమాలతో అరుదైన రికార్డు సొంతం చేసుకున్నారు.
అలాగే అటు ఓవర్సీస్ లో మూడు వరుస వన్ మిలియన్ సినిమాలతో సెన్సేషనల్ రికార్డు కొల్లగొట్టారు. ఈ క్రమంలోనే బాలయ్య, జూనియర్ ఎన్టీఆర్, జనతా గ్యారేజ్ క్రియేట్ చేసిన రికార్డును కూడా బ్రేక్ చేసి పడేశారు. ఎన్టీఆర్, కొరటాల కాంబినేషన్లో వచ్చిన జనతా గ్యారేజ్ సినిమాకు ఎనిమిది రోజుల్లో రూ .115 కోట్ల గ్రాస్ వసూళ్లు మాత్రమే వచ్చాయి. ఇప్పుడు బాలయ్య సినిమాకు ఎనిమిది రోజుల్లో ఏకంగా రూ.120 కోట్లకు పైగా గ్రాస్ వసూల్ వచ్చాయి.
బాలయ్యకు జోడిగా కాజల్ అగర్వాల్ హీరోయిన్గా నటించగా యంగ్ క్రేజీ బ్యూటీ శ్రీలీల బాలయ్య కూతురు పాత్రలో నటించింది. బాలీవుడ్ సీనియ‌ర్ హీరో అర్జున్ రాంపాల్ విలన్ గా నటించాడు. నవంబర్ రెండో తేదీ వరకు పెద్ద సినిమాలు లేకపోవడంతో బాక్సాఫీస్ దగ్గర భగవంత్ కేసరికి అప్పటివరకు ఎదురులేకుండా పోనుంది.
