యంగ్ రెబల్ స్టార్ ప్రభాస్ వరుసగా పాన్ ఇండియా సినిమాలు చేసుకుంటూ దూసుకుపోతున్నారు. ప్రభాస్ చాలా కాలం నుంచి మోకాలి సమస్యతో బాధపడుతున్నారు. ఈ క్రమంలోనే ఈ నొప్పి తీవ్రం కావడంతో ఇప్పుడు సర్జరీ అవసరమైనట్టు తెలుస్తోంది. అందుకే ప్రభాస్ యూకే బయలుదేరారు. ఆదివారమే ప్రభాస్ యూకే వెళ్లిన‌ట్టు విశ్వ‌స‌నీయ వ‌ర్గాల ద్వారా తెలిసింది. ఈ వారంలోనే ప్రభాస్ మోకాలికి సర్జరీ జరగబోతుంది.
ఆపరేషన్ అయిన తర్వాత మరో 15 రోజుల పాటు ప్రభాస్ అక్కడే ఉంటారని.. ఆ తర్వాత స్వదేశానికి తిరిగి వస్తారని తెలుస్తోంది. ఇక్కడకు వచ్చాక కూడా నెలరోజులపాటు ఆయనే ఇంట్లోనే విశ్రాంతి తీసుకున్నారు. ఇప్పుడే ఆయన నటిస్తున్న సలార్ సినిమా షూటింగ్ పనులు అన్ని పూర్తయ్యాయి. ఆ త‌ర్వాతే సలార్ ప్రమోషన్ల కోసం ప్రభాస్ అందుబాటులోకి వస్తారు.
ఆ తర్వాత మారుతి – ప్రభాస్ సినిమా సెట్స్ మీదకు వెళ్ళనుంది. ప్రభాస్ – మారుతి కాంబినేషన్లో ఓ సినిమా రూపుదిద్దుకుంటున్న సంగతి తెలిసిందే. ప్రస్తుతం ఈ సినిమా షూటింగ్ జరుగుతోంది. ప్రభాస్ లేకుండానే కొన్ని కీలకమైన సన్నివేశాలను మారుతి చకచక పూర్తి చేస్తున్నారు. సినిమా షూటింగ్ కూడా చాలా వరకు పూర్తయింది. ఏది ఏమైనా వచ్చే ఏడాది వరుసగా ప్రభాస్ సినిమాలు రిలీజ్ కానున్నాయి.
