టాలీవుడ్ యంగ్ హీరో, మంచు వారి వారసుడు మంచు విష్ణు ఇప్పుడు తన డ్రీమ్ ప్రాజెక్టు భక్తకన్నప్ప సినిమాను అత్యంత ప్రతిష్టాత్మకంగా నిర్మిస్తున్న సంగతి తెలిసిందే. ఈ సినిమాకు విష్ణు తండ్రి డైలాగ్ కింగ్ మోహ‌న్‌బాబు నిర్మాణ సారథ్యం వ‌హిస్తున్నారు. ఈ క్రేజీ ప్రాజెక్టును భారీ బడ్జెట్తో భారీ తారాగణంతో పాన్ ఇండియా వైడ్‌గా గ్రాండ్ గా ప్లాన్ చేస్తున్నారు. ఇప్పటికే ఈ సినిమాకు సంబంధించిన ఆర్ట్ వర్క్ అంతా కంప్లీట్ చేసి ఆ డిజైన్ల‌ను కంటైనర్లలో ప్యాక్ చేసి మ‌రీ న్యూజిలాండ్‌కు తరలించిన సంగతి తెలిసిందే.
ఈ పాన్ ఇండియా సినిమాలో స్టార్ హీరో ప్రభాస్ పేరు బయటకు వచ్చి సెన్సేషన్ అయింది. ఇక ఇప్పుడు మరి కొంతమంది బిగ్ స్టార్లు కూడా ఈ సినిమాకు యాడ్ అవుతున్నారు. తాజాగా ఈ సినిమాలో మలయాళ మెగాస్టార్ అయిన మోహన్లాల్ కూడా నటిస్తున్నట్టు ఇప్పటివరకు వచ్చిన వార్తలు కన్ఫర్మ్ చేశాడు మంచు విష్ణు. ఈ సినిమాలో ఓ కీలక పాత్రకి మోహన్లాల్ ఓకే చెప్పారని… దీంతో ఆయన ప్రజెన్స్‌ కూడా ఈ సినిమాలో ఉంటుంది అన్నది కన్ఫర్మ్ అయింది.
మోహన్ లాల్ – మంచు విష్ణు కలిసి ఉన్న ఫోటో బయటకు వచ్చింది. ఈ సినిమాలో మోహన్లాల్ ఒక గురువు పాత్రలో కనిపించబోతున్నట్టు తెలుస్తోంది. అలాగే పలువురు సీనియర్ నటీమణులు కూడా ఈ క్రేజీ ప్రాజెక్టులో భాగం కాబోతున్నట్టు సమాచారం. నయనతారతో పాటు హన్సిక తదితరులు కూడా నటిస్తున్నట్టు సమాచారం.
