ఫైనల్లీ .. అనుష్క అభిమానులు ఎప్పుడెప్పుడా అంటూ ఎదురుచూసిన గుడ్ న్యూస్ చెప్పేసింది స్వీటి. ఇన్నాళ్లు అనుష్క అసలు సినిమాలో నటిస్తుందా..? లేదా..? అంటూ తెగ భయపడిపోయారు అభిమానులు . అయితే నిశ్శబ్దం సినిమా తర్వాత దాదాపు 3 ఏళ్ళు గ్యాప్ తీసుకొని తెరపై కనిపించబోతున్న అనుష్క .. ఆ సినిమా రిలీజ్ కి ముందే మరో సినిమాను ఫైనలైజ్ చేసింది . సెప్టెంబర్ 7న అనుష్క నటించిన మిస్ శెట్టి మిస్టర్ పోలిశెట్టి సినిమా ప్రేక్షకుల ముందుకు రానుంది .
ఇలాంటి క్రమంలోనే అనుష్క నుంచి మరో గుడ్ న్యూస్ వినిపించింది . ఫాంటసీ హర్రర్ డ్రామా కథనార్ లో అనుష్క నటించబోతుంది , రీసెంట్గా ఈ సినిమాకి సంబంధించిన ఫస్ట్ గ్లింప్స్ రిలీజ్ చేశారు మేకర్స్. హీరో జై సూర్య పుట్టినరోజు సందర్భంగా ఈ గ్లింప్స్ ని రిలీజ్ చేశారు . రోజిన్ తామస్ దర్శకత్వం వహించిన ఈ సినిమాలో అనుష్క శెట్టి ప్రధాన పాత్రలో కనిపించబోతుంది . అతింద్రియ శక్తులు ఉన్నాయని నమ్మే కేరళ పూజారి కడమ తత్తు కథల ఆధారంగా ఈ సినిమా తెరకెక్కిస్తున్నారు .
చిన్న గ్లింప్స్ తోనే సినిమాపై హ్యూజ్ ఎక్స్పెక్టేషన్స్ పెంచేశారు . రిలీక్ అయిన గ్లింప్స్ బట్టి చూస్తే జై సూర్య ను చర్చి అధికారులకు ఖైదీగా చూపించబోతున్నట్లు కనిపిస్తుంది . కాగా అనుష్క ఈ సినిమా ద్వారా మరో హిట్ తన ఖాతాలో వేసుకోవడం కన్ఫామ్ అంటున్నారు అభిమానులు. మొత్తానికి అభిమానులు ఎప్పుడెప్పుడా అంటూ వెయిట్ చేసిన అప్డేట్ వచ్చేసింది..!!
