సీనియర్ హీరోయిన్ రాశి గురించి తెలుగు ప్రేక్షకులకు ప్రత్యేకంగా పరిచయం అవసరం లేదు. ఆమె ఒకప్పుడు టాలీవుడ్‌లో తిరుగులేని క్రేజీ హీరోయిన్. అప్పట్లో స్టార్ హీరోలకు జోడిగా ఆమె నటించింది. అప్పట్లో రాశి అందాలు తెలుగు కుర్రకాలను మత్తెక్కించేవి. కేవలం రాశిని వెండి తెర మీద చూసేందుకే థియేటర్లకు క్యూ కట్టిన ప్రేక్షకులు ఉండేవాళ్ళు.
ఒకానొక దశలో ఏడాదికి పదికి పైగా సినిమాలు చేసి.. అప్పటి స్టార్ హీరోలు, హీరోయిన్లకే ఆమె సవాల్ విసిరింది. అయితే రాశీకి వస్తున్న క్రేజీ చూసిన చాలామంది ఆమెపై కుట్రలు చేశారన్న ప్రచారం కూడా జరిగింది. 2000 సంవత్సరంలో అయితే రాశి నటించిన పోస్ట్‌మ్యాన్ ఒకే మాట – మూడు ముక్కలాట – దేవుళ్ళు సహా ఎనిమిది తెలుగు సినిమాలతో పాటు మూడు తమిళ సినిమాలు విడుదలయ్యాయి. క్షేమంగా వెళ్లి లాభంగా రండి – చాలా బాగుంది – చూసొద్దాం రండి – సకుటుంబ సపరివార సమేతం ఇలా ఏడాదిలో పదికి పైగా సినిమాలతో ఆమె ప్రేక్షకులు ముందుకు వస్తోంది.
రాశీకి వచ్చిన ఈ క్రేజ్ చూసి తట్టుకోలేని అప్పటి ఒకరిద్దరి స్టార్ హీరోయిన్లు ఆమెకు ఛాన్సులు రాకుండా కుట్ర చేశారన్న టాక్ బ‌య‌ట‌కు వ‌చ్చింది. అవసరమైతే మీ సినిమాల్లో మేం తక్కువ రెమ్యూనరేషన్తో నటిస్తాం.. రాశీకి మాత్రం ఛాన్సులు ఇవ్వవ‌ద్దు అంటూ కొందరు హీరోలతో పాటు దర్శకులపై ఒత్తిడి చేశారన్న గుసగుసలు వినిపించాయి. కారణం ఏదైనా ఆ తర్వాత రాశికి పెద్దగా ఛాన్సులు రాలేదు.
చివరకు నిజం సినిమాలో గోపీచంద్ కి జోడిగా లేడీ విలన్ పాత్రలో నటించింది. ఆ పాత్ర తర్వాత రాశిపై ప్రేక్షకుల్లో బ్యాడ్ ముద్ర పడిపోయింది. ఆమెను సినిమాల‌లో చూసే ప్రేక్ష‌కుడి మైండ్ సెట్ మారిపోయింది. అక్కడ నుంచి ఆమెకు ఛాన్సులు కూడా పెద్దగా రాలేదని చెప్పాలి. రాశి కెరీర్ ఇలా దెబ్బ తినటానికి కావాలని కొందరు ఆమెను టార్గెట్ చేయటమే అన్న గుసగుసలు అయితే టాలీవుడ్ లో అప్పట్లో వినిపించాయి.
