రిలీజ్‌కు ముందే రు. 50 కోట్ల క‌లెక్ష‌న్లు… ‘ జ‌వాన్ ‘ ఏంటి ఈ అరాచ‌కం….!

రిలీజ్ తర్వాత 50 కోట్లు కలెక్ట్ చేసే సినిమాలు చాలానే ఉంటాయి. అయితే రిలీజ్‌కు ముందే రు. 50 కోట్ల వ‌సూళ్లు రాబట్టిన సినిమాలు ఏమైనా ఉన్నాయా ? అంటే దీనికి లేటెస్ట్ సమాధానం జవాన్ సినిమా. ఈ సినిమా ఈరోజు ప్రపంచ వ్యాప్తంగా ప్రేక్షకుల ముందుకు వస్తోంది. అయితే ఇప్పటికే ఈ సినిమా ఖాతాలో 50 కోట్లు పడ్డాయి. అడ్వాన్స్ బుకింగ్స్ రూపంలో జవాన్ కాసుల వర్షం కురిపించింది. ప్రపంచ వ్యాప్తంగా అడ్వాన్స్ బుకింగ్స్ లో ఈ సినిమాకు 51 కోట్ల 17 లక్షల రూపాయల కలెక్షన్ వచ్చింది.

ఇదంతా కూడా కేవలం పఠాన్ సినిమాతో వచ్చిన ఊపు అని చెప్పాలి. వరుసగా ప్లాపులు ఇచ్చిన షారుక్ పఠాన్‌ సినిమాతో బౌన్స్ బ్యాక్ అయ్యాడు. ఈ సినిమా వరల్డ్ వైడ్ సూపర్ హిట్ అయింది. దీంతో జవాన్ సినిమాపై అమాంతం క్రేజ్ పెరిగింది. రిలీజ్ ముందే రు. 50 కోట్ల కలెక్షన్లు వచ్చాయి. ఇండియాలో జవాన్ సినిమాకు అడ్వాన్స్ బుకింగ్స్ రూపంలో 33 కోట్ల రూపాయలు వచ్చాయి.

ఇక ఓవర్సీస్లో ఇప్పటికే అడ్వాన్స్ బుకింగ్స్ ద్వారా 2. 25 మిలియన్ డాలర్ల వసూళ్లు వచ్చాయి. ఈ క్రమంలో పఠాన్ సినిమా అడ్వాన్స్ బుకింగ్స్ ను జవాన్ దాటేసింది. అయితే అడ్వాన్స్ బుకింగ్స్‌లో బాహుబలి 2 సినిమా 6.5 లక్షలు టికెట్లు అమ్మకాలతో టాప్ ప్లేస్‌లో ఉంటే రెండో స్థానంలో పఠాన్ ఉంటే.. మూడో స్థానంలో కేజీఎఫ్ 2 నిలిచాయి. ప్రస్తుతం జవాన్ నాలుగో స్థానంలో ఉంది. ఏదేమైనా జ‌వాన్ అరాచ‌కం మామ‌లూగా లేదు.