టాలీవుడ్ ఇండస్ట్రీలో ప్రథమంగా నాలుగు కుటుంబాలు ఇండస్ట్రీని ఏలేస్తున్నాయి అని ప్రత్యేకంగా చెప్పక్కర్లేదు . మరీ ముఖ్యంగా మెగాస్టార్ చిరంజీవి .. దగ్గుబాటి వెంకటేష్ ..నందమూరి బాలకృష్ణ.. అక్కినేని నాగార్జున ఈ నాలుగు కుటుంబాల చుట్టూనే టాలీవుడ్ సినిమా ఇండస్ట్రీ తిరుగుతుంది అన్న ప్రచారం ఎప్పటినుంచో జరుగుతుంది . కాగా రీసెంట్గా అక్కినేని నాగార్జున నాన్నగారు అక్కినేని నాగేశ్వరరావు గారి శతజయంతి ఉత్సవాల సందర్భంగా అక్కినేని నాగేశ్వరరావు గారి విగ్రహ ఆవిష్కరణోత్శవం చాలా ఘనంగా జరిగింది .
హైదరాబాదులోని అన్నపూర్ణ స్టూడియోస్ లో ఈ విగ్రహావిష్కరణ ఉత్సవం చాలా చాలా అద్భుతంగా జరిగింది . ఈ కార్యక్రమానికి టాలీవుడ్ ఇండస్ట్రీలో ఉండే స్టార్ ప్రముఖులతో పాటు రాజకీయ ప్రముఖులు కూడా హాజరవడం విశేషమని చెప్పాలి. కాగా ఇలాంటి క్రమంలోనే స్టేజ్ పైకి ఎక్కిన నాగచైతన్య ఏ మాత్రం తడబడకుండా తూలకుండా తన తండ్రి గురించి తన తాత గారి గురించి.. తన తాతగారు అక్కినేని సామ్రాజ్యాన్ని ఎలా నిర్మించారనే దాని గురించి టపాటపా స్పీచ్ తో అదరగొట్టేశారు .
ఈ స్పీచ్ చూసిన ఎవరికైనా సరే ఆశ్చర్య పోవాల్సిందే . నాగచైతన్యలో ఇంత టాలెంట్ ఉందా..? ఇంత అవలీలగా తెలుగు మాట్లాడగలడా..? అని ఆశ్చర్యపోక తప్పదు . ఇప్పటివరకు మనం ఎప్పుడూ చూడని నాగచైతన్యను ఈ కార్యక్రమంలో చూసాం . దీంతో అక్కినేని నాగచైతన్య ఫ్యాన్స్ ఈ వీడియో ని ట్రెండ్ చేస్తున్నారు . గతంలో ఏమాయ చేశావే టైంలో మీసం లేని హీరో అంటూ ట్రోల్ చేసిన వాటిని గుర్తు పెట్టుకుని.. మా హీరోకి అప్పుడు మీసం లేకపోవచ్చు.. కానీ నీతి-నిజాయితీ-ధైర్యం-గట్స్ ఉన్నాయ్ అంటూ కామెంట్స్ చేస్తున్నారు.
