పాన్ ఇండియా స్టార్ హీరో ప్రభాస్ హీరోగా.. దీపికా పదుకొనే హీరోయిన్గా, మహానటి దర్శకుడు నాగ్ అశ్విన్ తెర‌కెక్కిస్తున్న లేటెస్ట్ భారీ సైన్స్ ఫిక్షన్ సినిమా కల్కి 2898 AD. ఈ సినిమా తెరమీదకు వచ్చినప్పటి నుంచి ప్రభాస్ అభిమానులతో పాటు దేశవ్యాప్తంగా ఉన్న సగటు సినీ అభిమానుల్లో కూడా భారీ అంచనాలు ఉన్నాయి. సంతోష్‌ నారాయణన్‌ సంగీతం మంది ఇస్తున్న ఈ సినిమాను వైజయంతి మూవీస్ బ్యాన‌ర్‌పై ప్రముఖ నిర్మాత చలసాని అశ్వినీద‌త్ రు. 600 కోట్ల బడ్జెట్ తో భారీ స్థాయిలో నిర్మిస్తున్నారు.
ఇది ఇలా ఉంటే ఈ సినిమా నుంచి ఇటీవల రిలీజ్ అయిన ఫస్ట్ గ్లింప్స్ టీజర్ అందరిని ఆకట్టుకుంది. వీలైనంత త్వరగా ఈ సినిమాను పూర్తి చేసి వచ్చే ఏడాది మే 9న ప్రేక్షకుల ముందుకు తీసుకువచ్చేందుకు ప్లాన్ చేస్తున్నారు. కమలహాసన్ విలన్ గా నటిస్తున్న ఈ సినిమాలో బాలీవుడ్ బిగ్ బీ అమితాబచ్చన్ లాంటి దిగ్గ‌జ నటుడు కూడా కీలక పాత్రలో నటిస్తున్నారు.
ఇది ఇలా ఉంటే ఈ సినిమా నుంచి ఒక సెన్సేషనల్ న్యూస్ బయటకు వచ్చింది. టాలీవుడ్ దర్శకధీరుడు ఎస్ఎస్ రాజమౌళి ఈ సినిమాలో కీలకమైన క్యామియో రోల్లో కనిపించనున్నారట. ఇదే నిజం అయితే ఈ సినిమాపై మరింత క్రేజ్‌ పెరగటం ఖాయం. గతంలో ప్రభాస్‌తో ఛ‌త్రపతి – బాహుబలి – బాహుబలి 2 సినిమాలు తీసి సూపర్ డూపర్ హిట్లు ఇచ్చిన రాజమౌళి ఇప్పుడు అదే ప్రభాస్ సినిమాలో తన రోల్ నచ్చడంతో ఒప్పుకున్నాడని తెలుస్తోంది. దీనిపై త్వరలోనే అధికారికి ప్రకటన రానుంది
