టాలీవుడ్ ఇండస్ట్రీలో స్టార్ హీరోయిన్గా పాపులారిటీ సంపాదించుకున్న రోజా భర్త సెల్వమణి కూడా అంతే పాపులారిటీ దక్కించుకున్నాడు. పేరుకి కోలీవుడ్ స్టార్ డైరెక్టర్ అయినా సరే రోజా ద్వారా తెలుగులో పాపులారిటీ దక్కించుకున్న సెల్వమణికి నాన్ బెయిలబుల్ అరెస్టు వారెంట్ ని జారీ చేసింది కోర్టు. దీంతో సోషల్ మీడియాలో రోజా ఆమె భర్త సెల్వమణి పేర్లు మారుమ్రోగిపోతున్నాయి. రోజా ప్రెసెంట్ రాజకీయాలలో ఫైర్ బ్రాండ్ గా ఉన్న విషయం తెలిసిందే .
కాగా దర్శకుడు ఆర్కే సెల్వమని ని ప్రేమించి పెళ్లి చేసుకున్న రోజా చెన్నైలోనే సెటిలైంది. సెల్వమణి కూడా సినిమాలు డైరెక్టర్ చేస్తూ బాగా పాపులారిటీ దక్కించుకున్నాడు . ప్రస్తుతం సెల్వమణి ఫిలిం ఎంప్లాయిస్ ఫడరేషన్ ఆఫ్ సౌత్ ఇండియా చైర్మన్గా బాధ్యతలు నిర్వహిస్తున్నారు. ఈ క్రమంలోనే కొంతకాలంగా వివాదంలో ఇరుక్కున్న ఆయనకు ఇప్పుడు ఊహించని చిక్కులు ఎదురయ్యాయి. ఆయనపై ఏకంగా సినిమాకు ఫైనాన్స్ చేసే ప్రముఖ ఫైనాన్సర్ ముకుంద్ చాంద్ బోత్రా కేసును ఫైల్ చేసారు.
ఓ కేసులో 2016లో అరెస్ట్ కావడం ఆ తర్వాత విడుదల కావడం జరిగింది. ఆ సమయంలో ఆర్కే సెల్వమణి, కాంగ్రెస్ ఎమ్మెల్యే అరుళ్ అంబరాసుతో కలసి ఓ టివి ఛానల్ లో ఇంటర్వ్యూలో పాల్గొన్నారు. ఈ ఇంటర్వ్యూలో సెల్వమణి ముకుంద్ పై పలు ఆరోపణలు చేశారు. ముకుంద్ తనని కూడా ఎన్నోసార్లు ఇబ్బంది పెట్టాడని సెల్వమణి ఆరోపించారు. .
అయితే సెల్వమణికి ఆయనకు ఎలాంటి సంబంధం లేదని..ఆయన పరువుకు భంగం కలిగించే విధంగా ఆరోపణలు చేశారని ముకుంద ..రోజా భర్త పై పరువు నష్టం కేసు ఫైల్ చేశారు . ఈ కేస్ గత కొన్ని సంవత్సరాలుగా కోర్టులో విచారణ జరుగుతుంది . ఆ తర్వాత ముకుంద చాంద్ మరణించారు . అయితే తండ్రి మరణించినప్పటికీ కేసును ముక్కుంద్ తనయుడు వదిలిపెట్టలేదు . సెల్వమణికి వ్యతిరేకంగా కేసును కొనసాగిస్తూనే వచ్చారు. పలు సందర్భాలలో కోర్టుకి హాజరు కాలేదు. సోమవారం రోజు కూడా విచారణ జరగక సెల్వమణి హాజరు కాలేదు. దీంతో ఫైర్ అయిన కోర్ట్ సెల్వమణికి నాన్ బెయిలబుల్ అరెస్ట్ వారెంట్ జారీ చేసింది. దీనితో త్వరలోనే రోజా భర్త సెల్వమణి జైలుకు వెళ్లడం ఖాయమని ..చిప్పకూడు తినడం కన్ఫామ్ అని ట్రోల్ చేస్తున్నారు . ఇది నిజంగా సెల్వమణికి బిగ్ షాక్ అనే చెప్పాలి . ఈ కేసు తదుపరి విచారణ సెప్టెంబర్ 22న జరగనున్నట్లు తెలుస్తుంది చూడాలి మరి ఈ చిక్కుల నుండి ఎలా బయటపడతాడో రోజా భర్త..!!
