నందమూరి కళ్యాణ్ రామ్ తో బింబిసారా లాంటి సోషియో ఫాంటసీ సినిమా తెరకెక్కించి తొలి సినిమాతోనే సూపర్ డూపర్ హిట్ కొట్టాడు యువ దర్శకుడు మల్లిడి వశిష్ట నిజానికి దర్శకుడుగా ఎలాంటి అనుభవం లేదు. అలాంటి యువ దర్శకుడు చాలా కష్టమైన కథను ఎంచుకొని ప్రేక్షకులకు అర్థమయ్యేలా తెరకెక్కించి అందులోనూ సీతారామం లాంటి క్లాసిక్ సినిమాకు పోటీగా రిలీజ్ చేసి సూపర్ హిట్ కొట్టడం అంటే మామూలు విషయం కాదు.
త‌న తొలి సినిమా తర్వాత కళ్యాణ్ రామ్ తోనే బింబిసారకు సీక్వెల్ తెరకెక్కించాల్సి ఉంది. తెరవెనక ఏం జరిగిందో ఏమో కానీ ఇప్పుడు వశిష్ట మెగాస్టార్ చిరంజీవి హీరోగా ఓ సినిమా తెరకెక్కిస్తున్నారు. ఈ సినిమాను యూవీ క్రియేషన్స్ భారీ బడ్జెట్ తో నిర్మిస్తోంది. మెగాస్టార్ చిరంజీవి పుట్టినరోజు సందర్భంగా చిరంజీవి కెరీర్లో 158వ సినిమాగా ఈ సినిమా ప్రకటన వస్తుందని తెలుస్తోంది. ఈ సినిమా కాన్సెప్ట్ అంతా ఒక పోస్టర్లో ఒడిసిపెట్టి రిలీజ్ చేయబోతున్నారట.
వశిష్ట తొలి సినిమా బింబిసారకు పనిచేసిన సంగీత దర్శకుడు మణిశర్మ, సినిమాటోగ్రాఫర్ చోటా కె నాయుడు ఈ సినిమాకి కూడా పనిచేస్తారు. చాలా గ్యాప్ తర్వాత మెగాస్టార్‌తో ఛోటా కె. నాయుడు. ఈ సినిమా కోసం పని చేస్తున్నారు. ఇదిలా ఉంటే టాలీవుడ్ లో చాలామంది దర్శకులు తొలి సినిమాతో సూపర్ డూపర్ హిట్ కొట్టి రెండో సినిమాతో బొక్క బోర్లా పడ్డారు. ఎంతోమంది పెద్ద దర్శకులు స్టార్ దర్శకులు రెండవ సినిమా విషయంలో డిజాస్టర్ ఎదుర్కొన్నారు. ఇప్పుడు వశిష్ఠ ఆ బ్యాడ్ సెంటిమెంట్‌ను తిరగరాస్తాడా లేదా అన్నది చూడాలి.
