టాలీవుడ్ ఇండస్ట్రీలో తనకంటూ ప్రత్యేక గుర్తింపు సంపాదించుకున్న రకుల్ ప్రీత్ సింగ్ గురించి ప్రత్యేకంగా చెప్పక్కర్లేదు . వెంకటాద్రి ఎక్స్ప్రెస్ అనే సినిమా ద్వారా తెలుగు చలనచిత్ర పరిశ్రమలోకి హీరోయిన్గా ఎంట్రీ ఇచ్చిన రకుల్.. ఆ తర్వాత తనదైన స్టైల్ లో ఇండస్ట్రీలో దూసుకుపోయింది .హిట్లు ఫ్లాపులు అంటూ సంబంధం లేకుండా వరుసగా బ్లాక్ బస్టర్ సినిమాలకు సైన్ చేసి టాలీవుడ్ స్టార్ హీరోయిన్ గా రాజ్యమేలేసింది.
రకుల్ ప్రజెంట్ బాలీవుడ్ ఇండస్ట్రీని షేక్ చేస్తుంది . అయితే బాలీవుడ్ నిర్మాత నటుడు జాకీ భగ్నానితో ప్రేమాయణం నడుపుతుంది అంటూ ఓపెన్ గా చెప్పుకొచ్చిన రకుల్ పెళ్లి మాత్రం ఇప్పుడే చేసుకోము అంటూ క్లారిటీ ఇచ్చింది . అయితే ఎప్పుడైతే రకుల్ ప్రీత్ సింగ్ ప్రేమిస్తున్నాను అని చెప్పిందో అప్పటినుంచి సోషల్ మీడియాలో వాళ్లకు సంబంధించిన రకరకాల వార్తలు వైరల్ అయ్యాయి .
అంతేకాదు ఏకంగా ఈ జంట ఎవరికీ తెలియకుండా పెళ్లి చేసుకుంది అంటూ కూడా ప్రచారం జరిగింది . తాజాగా ఇదే కామెంట్స్ పై రకుల్ స్పందించింది . ఆమె మాట్లాడుతూ..” మా ప్రేమ విషయాన్ని దాచడానికి మేమేం ఇంకా చిన్న పిల్లలం కాదు . మాకేం భయం లేదు ..మేమేం తప్పు చేయడం లేదు. మేము ప్రేమించుకుంటున్నామని నిర్భయంగా బయటపెట్టాం. సోషల్ మీడియా మాకు ఇప్పటికే రెండు సార్లు పెళ్లి చేసేసింది . ఇంకెన్ని సార్లు చేస్తుందో కూడా తెలియదు . ఇలా సోషల్ మీడియాలో మా గురించి రాసే బదులు నిజా నిజాలు తెలుసుకొని రాస్తే బాగుంటుంది: అంటూ ఘాటుగా స్పందించింది. దీంతో ప్రస్తుతం రకుల్ ప్రీత్ సింగ్ చేసిన కామెంట్స్ వైరల్ గా మారాయి . కాగా ప్రస్తుతం రకుల్ ప్రీత్ సింగ్ కమల్ హాసన్ హీరోగా నటిస్తున్న భారతీయుడు2 సినిమాలో నటిస్తుంది..!!
