నందమూరి బాలకృష్ణ వరుస సినిమాలతో బిజీ బిజీగా ఉన్నారు. అఖండ సినిమా బ్లాక్ బస్టర్ కొట్టింది. అయితే ఇప్పుడు బాలకృష్ణ నటించిన భగవంత్ కేసరి సినిమా కోసం అందరు ఎదురుచూస్తున్నారు. ఈ సినిమాకి అనిల్ రావిపూడి దర్శకత్వం వహిస్తున్నారు. ఈ సినిమా దసరా సందర్భంగా ప్రేక్షకుల ముందుకు రాబోతుంది. ఈ సినిమాలో లుక్స్ మాత్రం అదిరిపోయాయని ఫ్యాన్స్ అంటున్నారు. బాలకృష్ణకి మరో బ్లాక్ బస్టర్ పక్క అంటున్నారు.
ఈ సినిమాలో హీరోయిన్ గా కాజల్ నటిస్తుండగా, ముఖ్య పాత్రలో శ్రీ లీల నటిస్తుంది. ఈ సినిమాపై ఇండస్ట్రీలో భారీ అంచనాలే ఉన్నాయి. అయితే ఈ సినిమా రిలీజ్ కూడా కాకముందే మరో నలుగురు దర్శకులతో సినిమా చేయడానికి బాలకృష్ణ సిద్దమయ్యాడనే వార్తలు చక్కర్లు కొడుతున్నాయి. భగవంత్ కేసరి తర్వాత బాబీ దర్శకత్వంలో బాలయ్య ఓ సినిమా చేయనున్నాడు అనే న్యూస్ అందరికి తెలిసందే. సితార నాగవంశీ – సాయి సౌజన్య నిర్మించే ఈ చిత్రం కూడా యాక్షన్ నేపథ్యంలో సాగే కథ.
ఆ తరువాత హిట్ కాంబినేషన్ అయిన బోయపాటితో బాలకృష్ణ మరో సినిమా చేయనున్నాడు. సింహ, లెజెండ్, అఖండల తరువాత మరోసారి ఈ కాంబినేషన్ లో సినిమా రానుంది. బాలయ్య అంటే బోయపాటి సినిమా ఎలా ఉంటుందో చెప్పనక్కర్లేదు. ఈ సినిమాని 14 రీల్స్ నిర్మిస్తుండగా ఈ సినిమా రాజకీయ నేపథ్యంలో సాగుతుందని సమాచారం. ఆ తరువాత శ్రీ వశిష్ఠ దర్శకత్వంలో సినిమా చేసేందుకు బాలయ్య గ్రీన్ సిగ్నల్ ఇచ్చారనే టాక్ నడుస్తోంది.
బింబిసార దర్శకుడు వశిష్ట కూడా బాలకృష్ణకి ఒక కథ చెప్పారని, ఆ కథ బాలయ్యకి కూడా నచ్చిందని టాక్ చక్కర్లు కొడుతోంది. ఈ సినిమా గీతా ఆర్ట్స్‌ పతాకంపై నిర్మించనున్నారు అనంతరం పరశురామ్ దర్శకత్వంలో బాలయ్య ఓ చిత్రాన్ని నిర్మిస్తారని తెలుస్తోంది. భగవంత్ కేసరి సినిమా అయిన వెంట‌నే బాలయ్య – బాబి సినిమా ఉంటుంది. ఆ ప్రాజెక్ట్ తర్వాత ఏ సినిమా మొదలు పెడ‌తారో చూడాలి. అయితే ఈ వయసులో కూడా బాలకృష్ణ స్పీడ్ చూసి అందరు షాక్ అవుతున్నారు.
