టాలీవుడ్ యంగ్ టైగర్ ఎన్టీఆర్ త్రిబుల్ ఆర్ సినిమాతో ఒక్క‌సారిగా పాపుల‌ర్ అయ్యాడు. ఇప్పుడు ఎన్టీఆర్‌కు నేష‌న‌ల్ లెవ‌ల్లో ఉన్న క్రేజ్ అలాంటి.. ఇలాంటిది కాదు. ప్ర‌స్తుతం ఎన్టీఆర్ కొర‌టాల శివ.. ఆ వెంట‌నే ప్ర‌శాంత్ నీల్ డైరెక్ష‌న్‌లో వ‌రుస‌గా రెండు పాన్ ఇండియా సినిమాల‌లో న‌టిస్తోన్న సంగ‌తి తెలిసిందే. ఇక ఎన్టీఆర్ ఈ నెల 20న బర్త్ డే జరుపుకుంటున్నాడు.
ఈ బర్త్ డేకు ఒక రోజు ముందుగానే ఈ రోజు రాత్రి 7.02 గంట‌ల‌కు ఈ సినిమా నుంచి ఫస్ట్ లుక్ పోస్టర్ గ్రాండ్‌గా రిలీజ్ చేస్తున్నారు. దీనిపై ఎన్టీఆర్ 30 యూనిట్ కూడా అధికారిక ప్ర‌క‌ట‌న చేసేసింది. ఈ సినిమాను ఎన్టీఆర్ ఆర్ట్స్, యువ సుధా ఆర్ట్స్ సంస్థలు భారీ స్థాయిలో నిర్మిస్తున్నాయి. నంద‌మూరి క‌ళ్యాణ్‌రామ్‌తో పాటు కొర‌టాల‌కు బెస్ట్ ఫ్రెండ్ అయిన మిక్కిలినేని సుధాక‌ర్ ఈ సినిమాకు నిర్మాతలు.
ఈ భారీ మాస్ యాక్ష‌న్ ఎంట‌ర్టైన‌ర్‌లో బాలీవుడ్ ముద్దుగుమ్మ జాన్వీ కపూర్ హీరోయిన్ గా నటిస్తుండ‌గా… బాలీవుడ్ సీనియర్ స్టార్ హీరో సైఫ్ ఆలీ ఖాన్ విలన్ గా నటిస్తున్నాడు. ఇక ఇప్ప‌టికే ఈ సినిమా నుంచి వచ్చిన ఫస్ట్ లుక్ మోష‌న్ పోస్టర్, బ‌య‌ట‌కు వచ్చిన స్టిల్స్ ఆక‌ట్టుకున్నాయి. దీంతో ఈ రోజు వ‌చ్చే ఫస్ట్ లుక్ పోస్టర్, టైటిల్ తో సినిమాకు మ‌రింత హైప్ వ‌చ్చేస్తుంద‌నే అంటున్నారు.
విశ్వ‌స‌నీయ వ‌ర్గాల స‌మాచారం ప్ర‌కారం ఈ సినిమాకు దేవ‌ర అనే టైటిలే కొర‌టాల ఫైన‌లైజ్ చేశాడంటున్నారు. ఇక కొర‌టాల శివ – ఎన్టీఆర్ కాంబినేషన్ లో గ‌తంలో వచ్చిన జనతా గ్యారేజ్ పెద్ద సక్సెస్ అందుకోవడంతో తప్పకుండా ఎన్టీఆర్ 30 సినిమా అంతకు మించి పాన్ ఇండియా లెవ‌ల్లో భారీ హిట్ అవుతుంద‌ని అంటున్నారు. ఈ సినిమా 2024 ఏప్రిల్ 5న గ్రాండ్ గా థియేటర్స్ లోకి రానుంది.
