టాలీవుడ్ యంగ్‌టైగ‌ర్ ఎన్టీఆర్ ఇటీవ‌ల వ‌రుస‌గా హిట్లు మీద హిట్లు కొడుతూ దూసుకుపోతున్నాడు. టెంప‌ర్ సినిమా నుంచి ఎన్టీఆర్‌కు ప‌ట్టింద‌ల్లా బంగారం అవుతోంది. వ‌రుస‌గా త్రిబుల్ ఆర్ సినిమాతో ఏకంగా డబుల్ హ్యాట్రిక్ హిట్లు కొడుతున్నాడు. ప్ర‌స్తుతం కొర‌టాల శివ ద‌ర్శ‌క‌త్వంలో పాన్ ఇండియా సినిమాలో న‌టిస్తోన్న ఎన్టీఆర్ ఆ త‌ర్వాత స‌లార్ డైరెక్టర్ ప్ర‌శాంత్ నీల్ డైరెక్ట్ చేసే పాన్ ఇండియా సినిమాకు కూడా ఓకే చెప్పిన సంగ‌తి తెలిసిందే.
ఇక త్రిబుల్ ఆర్ సినిమాతో ఎన్టీఆర్ ఏకంగా పాన్ ఇండియా స్టార్ అయిపోయాడు. ఇదిలా ఉంటే ఈ నెల 20న ఎన్టీఆర్ బ‌ర్త్ డే. అదే రోజు ఎన్టీఆర్ బ్లాక్‌బ‌స్ట‌ర్ హిట్లు సింహాద్రి, ఆది సినిమాల‌ను రీ రిలీజ్ చేస్తున్నారు. ఎన్టీఆర్ బ‌ర్త్ డే హంగామా అప్పుడే షురూ చేసేశారు అభిమానులు. నెల రోజుల ముందు నుంచే అభిమానుల హ‌డావిడి ఏపీ, తెలంగాణ‌లో మామూలుగా లేదు.
అదే రోజు ఒక‌టి కాదు రెండు కాదు… ఏకంగా నాలుగు స‌ర్‌ఫ్రైజ్‌లు ఎన్టీఆర్‌కు రానున్నాయి. కొర‌టాల శివ తెర‌కెక్కించే సినిమా టైటిల్ పోస్టర్ రానుంద‌ని తెలుస్తోంది. ఈ సినిమాలో ఎన్టీఆర్ వైల్డ్ లుక్‌లో ద‌ర్శ‌న‌మీయ‌బోతున్నాడు. ఇక ఈ సినిమా NTR30 ట్యాగ్ ట్రెండ్ అవుతోంది. అదే రోజు తార‌క్ 31వ సినిమా అని ప్ర‌చారంలో ఉన్న WAR2 నుంచి అధికారిక ప్రకటనతో కూడిన పోస్టర్ రాబోతుంది.
ఇక ప్ర‌శాంత్ నీల్ సినిమా నుంచి బ‌ర్త్ డే పోస్టర్ కూడా వ‌ద‌ల‌బోతున్నారు. ఇక ఎన్టీఆర్ ఫ్యూచ‌ర్ ప్రాజెక్ట్ నుంచి ఒక‌టి లేదా రెండు పోస్ట‌ర్లు కూడా అదే రోజు వద‌ల‌నున్నారు. మాట‌ల మాంత్రికుడు త్రివిక్ర‌మ్ శ్రీనివాస్ లేదా కోలీవుడ్ డైరెక్టర్ వెట్రిమార‌న్ సినిమాల‌లో ఏదో ఒక సినిమా ఉంటుంద‌న్న అధికారిక ప్ర‌క‌ట‌న‌ను పోస్టర్ రూపంలో వ‌దులుతార‌ని తెలుస్తోంది. ఏదేమైనా ఎన్టీఆర్ బ‌ర్త్ డే కానుక‌గా నాలుగు స‌ర్‌ఫ్రైజ్ న్యూస్‌లు అయితే ఉండ‌బోతున్నాయి.
