కన్నడ స్టార్ హీరో కిచ్చా సుదీప్ రాసలీల‌ల వ్యవహారం ఇప్పుడు అటు కన్నడ సినిమా ఇండస్ట్రీతో పాటు కన్నడ రాజకీయాలలో తీవ్ర ప్రకంపనలు రేపుతోంది. సుదీప్ తాజాగా కర్ణాటక ఎన్నికల నేపథ్యంలో తాను ముఖ్యమంత్రి బసవరాజ్ బొమ్మైకు మద్దతుగా ప్రచారం చేస్తున్నట్టు ప్రకటించారు. తాను బిజెపిలో చేరటం లేదని.. తనకు ఎన్నో సందర్భాలలో ముఖ్యమంత్రి బసవరాజ్ సహాయం చేశారని.. ఆ కృతజ్ఞతతోనే తాను ఆయనకు మద్దతుగా ప్రచారం చేస్తున్నట్టు చెప్పారు.
ఈ క్రమంలోనే సుదీప్ కొందరు అమ్మాయిలతో.. హీరోయిన్లతో గడిపిన రాసలీల వీడియోలు లీక్ చేస్తామంటూ కొందరు బెదిరింపులకు పాల్పడుతున్నారు. ఈ బెదిరింపుల వల్లే సుదీప్ బిజెపిలో చేరకుండా .. కేవలం మద్దతు మాత్రమే ఇస్తున్నట్టు చెప్పారని పుకార్లు వస్తున్నాయి. దీంతో ముఖ్యమంత్రి బసవరాజు తీవ్ర ఆగ్రహం వ్యక్తం చేయడంతో పాటు దీనిపై వెంటనే విచారణకు ఆదేశించారు. రంగంలోకి దిగిన కర్ణాటక పోలీసులు సుదీప్ కార్ డ్రైవర్‌ను అనుమానిస్తున్నారు.
కొద్ది రోజుల క్రిందట సుదీప్ తన కారు డ్రైవర్‌ను పనిలో నుంచి తొలగించాడు. అతడు సుదీప్ పై కక్ష‌కట్టి ఈ బెదిరింపులకు పాల్పడి ఉంటాడని తెలుస్తోంది. ఈ ఆరోపణలకు.. అనుమానాలకు బలం చేకూరుస్తూ మాజీ కార్ డ్రైవర్ పరారీలో ఉన్నాడు. అతడు ఫోన్ కూడా స్విచ్ ఆఫ్ వస్తోంది. సుదీప్ కార్ డ్రైవర్‌ను పట్టుకుని విచారిస్తే దీనికి సంబంధించిన పూర్తి వివరాలు బయటకు వస్తాయని పోలీసులు భావిస్తున్నారు.
సుదీప్ ప్రైవేటు వీడియోలు.. రాసలీల వీడియోలు నిజంగానే అతడి దగ్గర ఉన్నాయా ? లేదా అతడు బెదిరింపులకు పాల్పడుతున్నాడా ? అన్నది పోలీసులు నిర్ధారించాల్సి ఉంది. ఏది ఏమైనా తనకు సంబంధించిన ప్రైవేట్ వీడియోలు అతడి దగ్గర ఉందన్న అనుమానం కూడా సుదీప్ కు ఉన్నట్టు తెలుస్తోంది.
