టాలీవుడ్ మెగాస్టార్ చిరంజీవి లేటెస్ట్ గా నటించిన చిత్రం వాల్తేరు వీరయ్య. సైలెంట్ డైరెక్టర్ బాబి డైరెక్షన్ లో తెరకెక్కిన ఈ సినిమా సంక్రాంతి కానుకగా జనవరి 13వ తేదీన రిలీజ్ అయ్యి బిగ్గెస్ట్ బ్లాక్ బస్టర్ హిట్ గా నిలిచింది. మూడు రోజుల్లోనే 100 కోట్లు క్రాస్ చేసి మెగాస్టార్ కెరియర్ లోనే వన్ ఆఫ్ ద బిగ్గెస్ట్ హిట్ గా రికార్డ్ నెలకొల్పింది. ఈ సినిమాకి సంబంధించిన సక్సెస్ సెలబ్రేషన్స్ ను హనుమకొండలో గ్రాండ్ గా చేశారు వాల్తేరు వీరయ్య చిత్ర బృందం .
కాగా ఈ ఈవెంట్ కి చీఫ్ గెస్ట్ గా అటెండ్ అయ్యాడు మంత్రి ఎర్రబెల్లి దయాకర్ రావు . ఈ క్రమంలోనే చిరంజీవి ఆసక్తికర వ్యాఖ్యలు చేశారు . ముఖ్యంగా ఆయన రవితేజ గురించి మాట్లాడిన విధానం జనాలకు అమితంగా నచ్చేసింది. ఆయన మాట్లాడుతూ ..”ఈ సినిమాలో రవితేజ పర్ఫామెన్స్ చాలా బాగా అనిపించింది. రవితేజ ని చూస్తుంటే నా తమ్ముడు పవన్ కళ్యాణ్ గుర్తొచ్చాడు . ప్రతి షాట్ లోను అదే ఫీలింగ్ తో నటించాను. అప్పట్లో ఇద్దరు ఒకేలా ఉండేవారు . అంతేకాదు రవిలో నా తమ్ముడిని చూసుకున్నానను.
మరీ ముఖ్యంగా రవితేజ ఈ సినిమాలో చనిపోతున్నప్పుడు నాకు చాలా ఏడుపు వచ్చేసింది . నిజంగానే ఆ ప్లేస్ లో నా తమ్ముడు పవన్ కళ్యాణ్ ఊహించుకొని మరి గ్లిజరిన్ లేకుండా ఏడ్చేసాను . అక్కడ మరి ఏ హీరో ఉన్నా నేను అలా ఎమోషన్ అయ్యే వాడిని కాదేమో . అందుకే ఆటోమేటిక్గా నాకు కన్నీళ్లు వచ్చేసాయి . అంతేకాదు ఆ సీన్ అయిపోగానే దర్శకుడు నిర్మాతలు కూడా నన్ను బాగా పొగిడేసారు . ఇప్పటికి చెప్తున్నాను .. పవన్ కళ్యాణ్ ఎంతో రవితేజ కూడా అంతే” అంటూ చాలా ఎమోషన్ అయ్యారు . ఈ క్రమంలోని రవితేజ పేరు సోషల్ మీడియాలో మారుమ్రోగిపోతుంది..!!
