నందమూరి నటసింహం బాలకృష్ణ మానియా ఇప్పుడు టాలీవుడ్‌లోనూ, తెలుగు జ‌నాల్లోనూ మామూలుగా లేదు. సంక్రాంతికి నాలుగైదు సినిమాలు వ‌స్తున్నా వీర‌సింహారెడ్డికి ఉన్న జ‌జ్ మిగిలిన సినిమాల‌కు క‌న‌ప‌డ‌డం లేదు. ఏ హీరో అభిమాని నోట విన్నా కూడా జై బాల‌య్య అన్న స్లోగనే ఎక్కువుగా వినిపిస్తోంది. మ‌లినేని గోపీచంద్ డైరెక్ష‌న్‌లో తెర‌కెక్కుతోన్న ఈ సినిమాలో బాల‌య్య‌కు జోడీగా శృతీహాస‌న్ హీరోయిన్‌గా న‌టిస్తోంది. కోలీవుడ్ హీరోయిన్ వ‌ర‌ల‌క్ష్మి శ‌ర‌త్‌కుమార్ కూడా కీల‌క పాత్ర‌లో క‌నిపిస్తోన్న సంగతి తెలిసిందే.
ఇక థ‌మ‌న్ స్వ‌రాలు అందిస్తోన్న ఈ సినిమాను మైత్రీ మూవీస్ సంస్థ ప్ర‌తిష్టాత్మ‌కంగా నిర్మించింది. సంక్రాంతి కానుక‌గా జ‌న‌వ‌రి 12న రిలీజ్ చేస్తున్న‌ట్టు అనౌన్స్‌మెంట్ కూడా వ‌చ్చేసింది. ఇక ఈ సినిమా టాకీ పార్ట్ మొత్తం కంప్లీట్ అయ్యింది. ఒక్క పాట మాత్ర‌మే బ్యాలెన్స్ ఉంది. ఇక బాల‌య్య వెంట‌నే త‌న 108వ ప్రాజెక్టును కూడా ప‌ట్టాలు ఎక్కించేశాడు. అనిల్ రావిపూడి ద‌ర్శ‌క‌త్వంలో తెర‌కెక్కే ఈ సినిమా షూటింగ్ కూడా స్టార్ట్ అయ్యింది.
ఇప్ప‌టికే ఆరు వ‌రుస హిట్ల‌తో దూసుకుపోతోన్న అనిల్ రావిపూడి – ఫామ్‌లో ఉన్న బాల‌య్య సినిమా అంటే ఎలాంటి ర‌చ్చ ఉంటుందో చెప్ప‌క్క‌ర్లేదు. అనిల్ ఎంత పెద్ద హీరో సినిమా అయినా ఆరు నెల‌ల్లో కంప్లీట్ చేసేస్తాడు. అన్నీ కుదిరితే వ‌చ్చే జూన్‌, జూలైలోనే బాల‌య్య – అనిల్ రావిపూడి సినిమా రిలీజ్ కానుంది. ఇక రీసెంట్‌గా షూటింగ్ ప్రారంభోత్స‌వం జ‌రుపుకున్న ఈ సినిమా టైటిల్ గురించి ఓ ఇంట్ర‌స్టింగ్ విష‌యం బ‌య‌ట‌కు వ‌చ్చింది.
ఈ సినిమాకు బాల‌య్య ఇమేజ్‌కు త‌గ్గ‌ట్టుగానే “బ్రో ఐ డోంట్ కేర్” అనే టైటిల్ ఇప్ప‌టి వ‌ర‌కు అనుకున్నారు. ఇక ఇప్పుడు ద‌ర్శ‌కుడు అనిల్ కూడా అదే టైటిల్ ఫిక్స్ చేసేసిన‌ట్టుగా తెలుస్తోంది. ఈ టైటిల్ చాలా డేరింగ్ గా ఉంది. బాల‌య్య ఎంత డేర్‌గా ఉంటాడో ? ఆయ‌న స్వ‌భావానికి త‌గినట్టుగా ఉంది. ఇక బాల‌య్య కూతురుగా శ్రీలీల న‌టిస్తోన్న ఈ సినిమాలో ఆయ‌న‌కు జోడీగా తెలుగ‌మ్మాయి ప్రియాంక జ‌వాల్క‌ర్‌ను ఫైన‌లైజ్ చేశార‌ని అంటున్నారు.
