నంద‌మూరి న‌ట‌సింహం బాల‌కృష్ణ న‌టిస్తోన్న వీర‌సింహారెడ్డి సినిమా సంక్రాంతికి థియేట‌ర్ల‌లోకి దిగ‌నుంది. మ‌లినేని గోపీచంద్ ద‌ర్శ‌క‌త్వంలో తెర‌కెక్కుతోన్న ఈ సినిమా షూటింగ్ దాదాపు చివ‌రి ద‌శ‌కు చేరుకుంది. మైత్రీ మూవీస్ బ్యాన‌ర్‌పై తెర‌కెక్కుతోన్న ఈ సినిమాలో శృతీహాస‌న్ హీరోయిన్. థ‌మ‌న్ స్వ‌రాలు అందిస్తున్నాడు. ఇక ఈ సినిమా లీకుల పరంప‌ర కొన‌సాగుతోంది.
ఇప్ప‌టికే వీర‌సింహారెడ్డి సినిమాకు సంబంధించిన లొకేష‌న్ స్టిల్స్ బ‌య‌ట‌కు చాలాసార్లు వ‌చ్చాయి. మైత్రీ మూవీస్ వాళ్లు మ‌రి జాగ్ర‌త్త‌లు తీసుకుంటున్నారో లేదో కాని ఈ సినిమా అవుట్ డోర్ షూటింగ్ ఎక్క‌డ జ‌రుగుతున్నా ఆ స్టిల్స్ బ‌య‌ట‌కు వ‌చ్చేస్తున్నాయి. అయితే ఫొటోలు మాత్ర‌మే కాకుండా ఇప్పుడు సినిమాలో హీరో ఇంట్ర‌డ‌క్ష‌న్ సాంగ్ జై బాల‌య్యా కూడా లీక్ అయ్యింది.
ఈ సాంగ్ ఈ నెల 25న అఫీషియ‌ల్‌గా రిలీజ్ చేయ‌నున్నారు. సాంగ్ బ‌య‌ట‌కు రాకుండానే లీక్ కావ‌డంతో థ‌మ‌న్ ఫైన‌ల్ సాంగ్ ఎంత బాగా ఇచ్చి ఉంటాడా ? అన్న చ‌ర్చ‌లు న‌డుస్తున్నాయి. ఇక వీర‌సింహారెడ్డికి పోటీగా సంక్రాంతి బ‌రిలోకి దిగుతోన్న చిరు వాల్తేరు వీర‌య్య బాస్ పార్టీ కూడా రీసెంట్‌గా రిలీజ్ చేశారు. దీంతో ఈ సాంగ్‌కు రేపు రిలీజ్ అయ్యే బాల‌య్య సాంగ్‌కు మ‌ధ్య ఖ‌చ్చితంగా కంపేరిజ‌న్ అయితే వ‌స్తుంది.
బాస్ పార్టీ సాంగ్ రొటీన్‌గా ఉంద‌ని.. థ‌మ‌న్ ఇచ్చిన ట్యూన్ కూడా రొటీన్‌గా ఉంద‌న్న టాకే ఎక్కువుగా న‌డుస్తోంది. మ‌రి జై బాల‌య్య సాంగ్ ఓ మోస్త‌రుగా ఉన్నా కూడా క్లిక్ అయ్యేందుకే ఎక్కువ ఛాన్సులు ఉన్నాయి. మ‌రి థ‌మ‌న్ అఖండ‌లో జై బాల‌య్యా సాంగ్‌లా మ‌రోసారి మ్యాజిక్ చేస్తే బాల‌య్య సాంగ్ దుమ్ము దులుప‌డం ఖాయం.
