ఇండస్ట్రీలో వారసత్వం గురించి ప్రత్యేకంగా చెప్పనవసరం లేదు. అలాంటి కొరియోగ్రఫీలో వారసత్వం తీసుకున్నారు ప్రభుదేవా, రాజు సుందరం మాస్టర్స్. సుందరం మాస్టర్ ఇండస్ట్రీలో ఎంత పెద్ద డాన్స్ మాస్టరో అందరికీ తెలిసిందే. మెగాస్టార్ చిరంజీవి లాంటి వారికి అద్భుతమైన మూవ్‌మంట్స్ ఇచ్చారు. కొరియోగ్రఫీ పరంగా ఇండస్ట్రీలో తనకంటూ ఓ ప్రత్యేకతను చాటుకున్నారు సుందరం మాస్టార్. అదే తన కొడుకులకీ వచ్చింది.
ప్రముఖ కొరియోగ్రాఫర్స్‌గా రాజు సుందరం, ప్రభుదేవా అగ్ర స్థానంలో నిలిచిన సంగతి తెలిసిందే. ముఖ్యంగా ఇండియన్ మైఖేల్ జాక్సన్ అనే గొప్ప పేరు తెచ్చుకున్నారు ప్రభుదేవా. మెగాస్టార్ లాంటి వారు పిలిచి మరీ అవకాశం ఇచ్చేంత క్రేజీ డాన్స్ మాస్టర్ అయిన ప్రభుదేవా..దర్శకుడిగానూ బాలీవుడ్‌లో సత్తా చాటుతున్నారు. అక్షయ్ కుమార్, సల్మాన్ ఖాన్‌లకి ఈయన చాలా ప్రత్యేకం. సౌత్‌లో బ్లాస్ట్ అయిన పోకిరి లాంటి సినిమాలను హిందీలో తీసి హిట్స్ అందుకున్నారు.
సౌత్‌లో తెలుగు తమిళం, హిందీలో ఒకవైపు డాన్స్ మాస్టర్‌గా చేస్తూనే మరోవైపు దర్శకుడిగానూ చాలా బిజీగా ఉన్నారు. ఇంత బిజీగా ఉన్నప్పటికీ సిల్వర్ స్క్రీన్ మీద కనీంచే అవకాశం వస్తే అసలు వదలరు. ఇంత క్రేజ్ ఉన్న ప్రభుదేవా కెరీర్‌లో అనుకోని సంఘటనలు జరిగిన విషయం తెలిసిందే. ముఖ్యంగా స్టార్ హీరోయిన్ నయనతారతో నడిపిన ప్రేమ వ్యవహారం అందరికీ తెలిసిందే. అప్పటికే, శింబుతో పీకల్లోతు ప్రేమలో పడి లేచిన నయన్..ఆ తర్వాత ప్రభుదేవాతోనూ కొన్నాళ్ళు ప్రేమాయణం సాగించింది.
ఎందుకు చెడిందో గానీ, ఇద్దరూ మళ్ళీ వేరయ్యారు. ప్రభుదేవా, నయన్ పెళ్లి చేసుకోబోతున్నారని కూడా ప్రచారం జరిగింది. అయితే, నయన్‌ని ప్రభుదేవానే మోసం చేశారని లోలోపల ఓ టాక్ ఉంది. దాదాపు 20 కోట్ల వరకు నయన్ నుంచి ప్రభుదేవా తీసుకున్నారట. ఇక ప్రేమ, పెళ్లి పేరుతోనూ సన్నిహితంగా మెలిగారనేది కోలీవుడ్ ఇండస్ట్రీలో వినిపించిన మాట. ఏదేమైనా నయన్‌ను మాత్రం ప్రభుదేవా తన స్వలాభాలకి వాడుకొని దారుణంగా మోసం చేశారని ఇప్పటికీ బలంగా వినిపిస్తుంది.
