పవర్ స్టార్ పవన్ కళ్యాణ్ బ‌ర్త్ డే కానుక‌గా పవన్ అభిమానులు సంబ‌రాల‌ను మ‌రింత‌గా పెంచేందుకు ఈ రోజు అదిరిపోయే అప్‌డేట్ వ‌చ్చేసింది. పవన్ హీరోగా నిధి అగర్వాల్ హీరోయిన్ గా దర్శకుడు క్రిష్ ద‌ర్శ‌క‌త్వంలో తెర‌కెక్కుతోన్న భారీ పీరియాడిక‌ల్ మూవీ హరిహర వీర‌మ‌ల్లు సినిమా గ్లింప్స్ ఈ రోజు రిలీజ్ చేశారు.
ఈ యేడాది భీమ్లానాయ‌క్ సినిమాతో ప్రేక్ష‌కుల ముందుకు వచ్చి హిట్ కొట్టిన పవన్ కళ్యాణ్ ఇప్పుడు హరిహర వీర‌మ‌ల్లు సినిమాతో పాటు కోలీవుడ్ హిట్ మూవీ వినోద‌య సిత్తం రీమేక్‌లో కూడా న‌టిస్తోన్న సంగ‌తి తెలిసిందే. భారీ బ‌డ్జెట్‌తో హిస్టారిక‌ల్ క‌థాంశంతో వ‌స్తోన్న ఈ సినిమాపై అంచ‌నాలు మామూలుగా లేవు.
ఇక ఈ రోజు రిలీజ్ అయిన పవర్ గ్లింప్స్‌లో ప‌వ‌న్‌ను ఫస్ట్ టైం ఓ వారియ‌ర్‌గా అద్భుతంగా చూడ‌బోతున్నామ‌ని క్రిష్ చెప్ప‌క‌నే చెప్పేశాడు. నిమిషం పాటు ఉన్న ఈ గ్లింప్స్‌లో పవన్ మ‌ల్ల‌యోధుల‌ను త‌డ‌గొట్టి ప‌డ‌గొట్ట‌డం చూపించారు. తెలుగోడు తొడ‌గొడితే అన్న బ్యాక్ గ్రౌండ్ వాయిస్ నేప‌థ్యంలో పవన్ మీసం మెలేశాడు. కీర‌వాణి బ్యాక్ గ్రౌండ్ స్కోర్ కూడా గ్లింప్స్‌ను మ‌రో రేంజ్‌కు తీసుకు వెళ్లింది.
ఇక పాన్ ఇండియా లెవల్లో ఈ సినిమాను రిలీజ్ చేస్తున్న‌ట్టు చూపించారు. అలాగే ఈ సినిమాను వ‌చ్చే సమ్మ‌ర్ బ‌రిలోకి దింపుతున్న‌ట్టు కూడా మేకర్స్ క్లారిటీ ఇచ్చేశారు. ఏదేమైనా గ్లింప్స్‌తో సినిమాపై అంచ‌నాలు అయితే మామూలుగా లేవు.
