అదా శర్మ..పూరి జగన్నాథ్ టాలీవుడ్ సినిమా ఇండస్ట్రీకి పరిచయమైన హీరోయిన్. చదువు పెద్దగా లేకపోయినా మోడల్‌గా హీరోయిన్‌గా బాగానే పాపులర్ అయింది. మొదటి సినిమా అదాకి మంచి క్రేజ్ తీసుకురావడంతో తెలుగులో మంచి అవకాశాలే వచ్చాయి. అయితే, పూరి హీరోయిన్స్ అయితే స్టార్ హీరోయిన్స్ అవుతారు లేదా..అడ్రస్ లేకుండా పోతారు. స్టార్ హీరోయిన్స్ అయినవారికి ఉదాహరణ అనుష్క శెట్టి, ఆశిన్, రక్షిత లాంటి వారు.
ఇక అడ్రస్ లేకుండా పోయినవారు రవితేజ హీరోగా వచ్చిన నేనింతే, ఇజం సినిమాలో నటించిన హీరోయిన్, లోఫర్ సినిమాతో హీరోయిన్‌గా మారిన దిశా పటాని లాంటి వారు. అయితే, అదా శర్మ హార్ట్ ఎటాక్ సినిమాలో మంచి పర్ఫార్మర్‌గా పేరు తెచ్చుకుంది. నితిన్ హీరోగా వచ్చిన ఈ సినిమాలో నితిన్ కంటే హైలెట్ అయింది అదానే. ఇదే కాదు సోషల్ మీడియాలో అమ్మతో చేసిన రీల్స్, టిక్ టాక్ వీడియోస్ బాగాకా వైరల్ అయ్యాయి.
టాలెంటెడ్ హీరో అడివి శేష్ నటించిన క్షణం సినిమాలో నటించి విమర్శకుల ప్రశంసలు అందుకుంది. అంతేకాదు, ఈ సినిమాతో మంచి హిట్ అందుకుంది. దీంతో హీరోయిన్‌గా కొంతకాలం అదా బాగానే బండి నెట్టుకొతుందని చెప్పుకున్నారు. కానీ, అదా ఆశపడినట్టు అందరూ భావించినట్టు జరగలేదు. కాస్తో కూస్తో వచ్చిన క్రేజ్ కూడా దెబ్బతో పోయింది. అది దర్శకుడు త్రివిక్రమ్ శ్రీనివాస్ వల్ల అని అప్పట్లో చెప్పుకున్నారు.
గురూజీగా భావించే త్రివిక్రమ్ సినిమాలలో సెకండ్ హీరోయిన్ కి అసలు గుర్తింపు రాదని చెప్పుకుంటుంటుంటారు. ఇది ఆయన సినిమాలలో సెకండ్ లీడ్ చేసిన హీరోయిన్స్ ని గమనిస్తే ఇది బాగా అర్థమవుతుంది. మెయిన్ హీరోయిన్ పాత్రను రాసినంత ఎఫెక్టివ్‌గా సెకండ్ లీడ్ విషయంలో జాగ్రత్త తీసుకోరు. ఇది చాలామంది ప్రేక్షకులు కూడా అభిప్రాయపడుతుంటారు. అదా పరిస్థితి కూడా అలాగే అయిందనుకోవచ్చు.
అల్లు అర్జున్ – సమంత జంటగా నటించిన సన్నాఫ్ సత్యమూర్తి సినిమాలో అదా శర్మ కూడా నటించింది. అందరూ ఆమెది ఈ సినిమాలో ఎంతో ప్రాముఖ్యత ఉన్న సెకండ్ హీరోయిన్ పాత్ర అనుకున్నారు. కానీ, సినిమాలో ఆమెది ఏమాత్రం ప్రాధాన్యత లేని పాత్ర. ఈ సినిమా చేసిన తర్వాత అదాకి క్రేజీ ఆఫర్ వస్తాయనుకుంటే సీన్ రివర్స్ అయి చాలా తక్కువ కాలంలోనే అడ్రస్ లేకుండా పోయింది. దీనికి కారణం సగం దర్శకుడు త్రివిక్రమే కారణమని అంటుంటారు.
