టాలీవుడ్ కి చెందిన ప్రముఖ నటుడు మరియు దర్శకుడు రాహుల్ రవీంద్రన్ గురించి ప్ర‌త్యేకంగా చెప్ప‌క్క‌ర్లేదు. రాహుల్ రవీంద్రన్ కేవ‌లం నటుడు మాత్ర‌మే కాదు.. ఓ ర‌చ‌యిత, దర్శకుడు కూడా. న‌టుడిగా కెరీర్ స్టార్టింగ్ చేసి త‌న‌లో ఉన్న ర‌చ‌యిత‌కు ప‌దును పెట్టుకుని.. ఆ త‌ర్వాత మెగాఫోన్ ప‌ట్టాడు. రాహుల్ రవీంద్రన్ అందాల రాక్ష‌సి సినిమాతో మంచి పేరు తెచ్చుకున్నాడు.
ఆ త‌ర్వాత ద‌ర్శ‌కుడిగా చి ల సౌ సినిమాతో మంచి మార్కులు వేయించుకున్నాడు. ఈ క్ర‌మంలోనే ఏకంగా కింగ్ నాగార్జున‌తో మ‌న్మ‌థుడు 2 సినిమాను డైరెక్ట్ చేసే ఛాన్స్ కూడా కొట్టేశాడు. అయితే ఈ సినిమా ఘోరంగా ప్లాప్ అయ్యింది. ఇక రాహుల్ భార్య ప్రముఖ సింగ‌ర్ చిన్మ‌యి. ఈ దంప‌తులు ఎప్పుడూ సోష‌ల్ మీడియాలో యాక్టివ్‌గానే ఉంటారు.
చిన్మ‌యి సింగ‌ర్ మాత్ర‌మే కాకుండా ప్రముఖ డ‌బ్బింగ్ ఆర్టిస్ట్ కూడా..! క్రేజీ హీరోయిన్ స‌మంత‌కు చిన్మ‌యే త‌న మ‌ధుర గాత్రం అందిస్తుంది. స‌మంత‌కు చిన్మ‌యి బెస్ట్ ఫ్రెండ్‌. ఇప్పుడు ఈ దంపతుల జీవితంలో ఓ హ్యాపీ మూమెంట్ వ‌చ్చింది. ఈ దంప‌తుల‌కు క‌వ‌ల పిల్ల‌లు పుట్టారు. దీంతో వీరి ఇంట్లో ఎక్క‌డా లేని ఆనందం నెల‌కొంది. దీంతో వీరు ఫుల్ హ్యాపీగా ఉన్నారు.
ఈ హ్యాపీ మూమెంట్‌ను రాహుల్ రవీంద్రన్ సోష‌ల్ మీడియాలో పంచుకుని వారి పిల్ల‌ల పేర్లను కూడా షేర్ చేశారు. ఈ పేర్లు చాలా సూప‌ర్‌గా ఉన్నాయి. దృప్త, శర్వాస్ మా జీవితంలో ఎప్ప‌ట‌కీ కొత్త‌గా నిలిచిపోయే విశ్వంలోకి వ‌చ్చార‌ని.. వారి చిట్టి చేతుల్లో త‌న చేతులు క‌లిపి ఆ ఫొటోల‌ను షేర్ చేశాడు. దీంతో వారి ఫాలోవ‌ర్స్‌తో పాటు నెటిజ‌న్లు ఇప్పుడు వారికి అభినంద‌న‌లు తెలుపుతున్నారు.
Driptah and Sharvas:) The new and forever center of our universe ❤️ pic.twitter.com/RJmzDciRDy
— Rahul Ravindran (@23_rahulr) June 21, 2022
