టాలీవుడ్ యంగ్‌రెబ‌ల్ స్టార్ ప్రభాస్, స్వీటీబ్యూటీ అనుష్క కాంబినేష‌న్‌కు వెండితెర‌పై ఎంత క్రేజ్ ఉంటుందో చూశాం. వీరిద్ద‌రి కాంబినేష‌న్లో వ‌చ్చిన సినిమాల‌న్నీ దాదాపు స‌క్సెసే. బిల్లా – మిర్చి – బాహుబ‌లి 1 – బాహుబ‌లి 2 ఇలా అన్ని సినిమాలు సూప‌ర్ హిట్టే. బాహుబ‌లి త‌ర్వాత వీరి కాంబినేష‌న్లో సినిమా కోసం ప్రభాస్ , స్వీటీ అభిమానులు వెయిట్ చేస్తున్నా అది సాధ్యం అవుతుంద‌న్న ఆశ‌లు ఎవ్వ‌రికి లేవు. మ‌రోవైపు అనుష్క ఏజ్ ఇప్ప‌టికే బార్ అయిపోయింది. ఈ టైంలో అనుష్క లావెక్కిపోవ‌డంతో ఆమె మ‌ళ్లీ సినిమాల్లో చేస్తుందా ? అన్న సందేహాలు కూడా అంద‌రిలోనూ ఉన్నాయి.
అయితే ఆమె ప్ర‌భాస్‌తో ఉన్న సాన్నిహిత్యం నేప‌థ్యంలోనే న‌వీన్ పోలిశెట్టి ప‌క్క‌న హీరోయిన్‌గా చేసేందుకు ఓకే చెప్పింది. ఇక ఇప్పుడు ఏకంగా ప్ర‌భాస్‌తోనే మ‌ళ్లీ జోడీ క‌ట్ట‌బోతోంది. గ‌త కొద్ది రోజులుగా ప్రభాస్ – మారుతి ప్రాజెక్టు ఊరిస్తూ వార్త‌ల్లో ఉంటోంది. ప్రభాస్ ఇప్పుడు అన్నీ పాన్ ఇండియా సినిమాలే చేస్తున్నాడు. రాధేశ్యామ్ అంచనాలు అందుకోలేదు. అయినా కూడా ప్రభాస్ చేతిలో ఆదిపురుష్ – స‌లార్ – ప్రాజెక్ట్ కే లాంటి భారీ పాన్ ఇండియా సినిమాలే ఉన్నాయి.
ఈ పాన్ ఇండియా ప్రాజెక్టుల మ‌ధ్య‌లోనే అనూహ్యంగా మారుతి సినిమా ఓకే అయ్యింది. డీవీవీ దాన‌య్య ఇచ్చిన అడ్వాన్స్ మేర‌కే ప్రభాస్ 50 రోజులు కాల్షీట్లు ఇవ్వ‌డంతో మారుతి సినిమా ఫిక్స్ అయ్యింది. అన్ని కుదిరితే ఈ సినిమా ఈ యేడాదిలోనే ఫినిష్ అయ్యేలా ప్లాన్ చేస్తున్నారు. ఈ సినిమాలో ముగ్గురు హీరోయిన్లు ఉంటారు. ఈ ముగ్గురు హీరోయిన్ల‌లో అనుష్క ఓ హీరోయిన్ అని గ‌త రెండు నెల‌లుగా ప్ర‌చారం జ‌రుగుతూనే వ‌స్తోంది.
ఈ మాస్ మ‌సాలా ఎంట‌ర్టైన‌ర్‌లో అనుష్క క్యారెక్ట‌ర్ కూడా అదిరిపోయే రేంజ్‌లో ఉంటుంద‌ట. ప్రభాస్ – అనుష్క మ‌ధ్య వ‌చ్చే సీన్లు మాస్‌ను మ‌త్తెక్కించేస్తాయంటున్నారు. మారుతి కూడా ఈ క్రేజీ ప్రాజెక్ట్ కోసం అదిరిపోయే ఎలిమెంట్స్ కూడా సిద్ధం చేశాడ‌ట. ప్ర‌స్తుతం గోపీచంద్‌తో మారుతి తీసిన ప‌క్కా క‌మ‌ర్షియ‌ల్ సినిమా జూలై 1న వ‌స్తోంది. ఆ వెంట‌నే మారుతి ప్రభాస్ సినిమా క‌థ‌పై వ‌ర్క్ చేస్తాడు.
ఇక ఈ సినిమాలో త‌న పాత్ర కోసం అనుష్క పూర్తిగా స్లిమ్ అయిపోతోంద‌ట. బాహుబ‌లి టైంలో సైజ్ జీరో సినిమా చేసిన‌ప్పుడే అనుష్క లావెక్కిపోయింది. ఆ త‌ర్వాత ఆమె స‌న్న‌బ‌డేందుకు ఎన్ని ప్ర‌య‌త్నాలు చేసినా సాధ్యం కాలేదు. అయితే ఇప్పుడు ప్రభాస్ సినిమాలో నటించేందుకు సన్న‌గా క‌న‌ప‌డేందుకు బాగా వ‌ర్క‌వుట్లు చేస్తోంద‌ట. ఏదేమైనా చాలా రోజుల‌కు మ‌ళ్లీ ప్రభాస్ – అనుష్క‌ను వెండితెర మీద చూడ‌బోతున్నాం.
