క్రాక్ సినిమాతో తన కెరీర్ లో బిగ్గెస్ట్ అందుకున్న గోపీచంద్ మలినేని… ఇటు అఖండ విజయంతో కెరీర్ బ్లాక్‌బ‌స్ట‌ర్ హిట్ కొట్టిన నంద‌మూరి బాల‌కృష్ణ కాంబినేషన్లో నెక్ట్స్ సినిమా రెడీ అవుతోంది. మైత్రీ మూవీస్ లాంటి పెద్ద బ్యాన‌ర్ ఈ సినిమాను ఎంతో ప్ర‌తిష్టాత్మ‌కంగా నిర్మిస్తోంది. ఇప్ప‌టికే రెండు షెడ్యూల్స్ షూటింగ్ పూర్తి చేసుకున్న ఈ సినిమాలో శృతీ హాస‌న్ హీరోయిన్‌గా న‌టిస్తోంది. థ‌మ‌న్ మ్యూజిక్ అందిస్తున్నాడు.
ఇక కోలీవుడ్ సీనియర్ హీరోయిన్ వ‌ర‌ల‌క్ష్మి శ‌ర‌త్‌కుమార్ కూడా కీల‌క పాత్ర‌లో న‌టిస్తోన్న సంగ‌తి తెలిసిందే. అఖండ వ‌ర‌ల్డ్ వైడ్‌గా అన్ని విధాలుగా రు. 200 కోట్లు కొల్ల‌గొట్ట‌డంతో ఈ సినిమాపై కూడా భారీ అంచ‌నాలే ఉన్నాయి. బాల‌య్య‌కు డబుల్ రోల్లో న‌టిస్తోన్న ఈ సినిమాలో క‌న్న‌డ హీరో దునియా విజ‌య్ విల‌న్గా న‌టిస్తున్నాడు. ముస‌ళ్ల‌మ‌డుగు ప్ర‌తాప్‌రెడ్డి అన్న పాత్ర‌లో రిలీజ్ అయిన విజ‌య్ లుక్ చాలా ప‌వ‌ర్ ఫుల్‌గా క‌నిపిస్తోంది.
ఇక ఈ సినిమా టైటిల్‌పై ముందు నుంచి ర‌క‌ర‌కాల వార్త‌లు, ఊహాగానాలు వినిపిస్తున్నాయి. తాజాగా ఈ క్రేజీ ప్రాజెక్టుకు అన్న గారు అన్న టైటిల్ ఖ‌రారు చేసిన‌ట్టు ఈ సినిమా యూనిట్ వ‌ర్గాల్లో ప్ర‌చారం జ‌రుగుతోంది. ఈ సినిమా క‌థ‌కు త‌గిన‌ట్టుగా ఈ టైటిల్ పెట్టారా ? లేదా ? బాల‌య్య‌ను ఎక్కువ మంది అన్న పిలుస్తూ ఉంటార‌ట. ఆ కోణంలో ఈ టైటిల్ ఆలోచ‌న చేస్తున్నారా ? లేదా ? బాలయ్య తండ్రి ఎన్టీఆర్‌ను చాలా మంది అన్న గారు అని పిలుస్తూ ఉంటారు. ఈ సెంటిమెంట్ క‌లిసి వ‌చ్చేలా ఆ టైటిల్ అనుకుంటున్నారా ? అన్న‌ది చూడాలి.
ఇక బాలయ్య లేటెస్ట్ బ్లాక్‌బ‌స్ట‌ర్ అఖండ సినిమా టైటిల్ అ అక్ష‌రంతో స్టార్ట్ అయ్యింది. ఇప్పుడు అదే సెంటిమెంట్ క‌లిసి వ‌చ్చేలా అ అక్ష‌రంతో మొద‌ల‌య్యే విధంగా అన్నగారు టైటిల్ పెడుతున్నారా ? అన్న చ‌ర్చ నెటిజ‌న్ల‌లో కూడా జ‌రుగుతోంది. ఇండ‌స్ట్రీ ఇన్న‌ర్ సైడ్ టాక్ ప్ర‌కారం ఈ సినిమా బాగా వ‌చ్చింద‌ని అంటున్నారు. మలినేని గోపీచంద్ బాలయ్య అభిమానుల‌కు మాత్ర‌మే కాకుండా మాస్ అభిమానుల‌కు అదిరిపోయే ప‌వ‌ర్ ఫుల్ ప్యాక్డ్ సినిమా ఇవ్వ‌బోతున్నాడ‌ట.
మలినేని గోపీచంద్ సినిమాను ద‌స‌రాకు రిలీజ్ చేసే ప్ర‌య‌త్నాలు జ‌రుగుతున్నాయి. ఈ సినిమా అనంత‌రం బాలయ్య అనిల్ రావిపూడి ద‌ర్శ‌క‌త్వంలో తెర‌కెక్కే సినిమాలో న‌టించ‌నున్నారు. ఈ సినిమా క‌థ‌పై క‌స‌ర‌త్తులు జ‌రుగుతున్నట్టు అనిల్ రావిపూడి ఇప్ప‌టికే ప్ర‌క‌టించిన సంగ‌తి తెలిసిందే.
