అబ్బబ్బ కేజీయ‌ఫ్ 3 ఎట్ట‌కేల‌కు ఈ రోజు రిలీజ్ అయ్యింది. మూడున్నర సంవ‌త్స‌రాల క్రితం అస‌లు కేజీయ‌ఫ్ సినిమా వ‌స్తుందంటేనే దాని గురించి ఎవ్వ‌రూ ప‌ట్టించుకోలేదు. తెలుగులోనూ దానికి పెద్ద‌గా బిజినెస్ కూడా జ‌ర‌గ‌లేదు. ఎప్పుడు అయితే ఆ సినిమా రిలీజ్ అయ్యి దేశ‌వ్యాప్తంగా సంచ‌ల‌నాలు క్రియేట్ చేసిందో అప్ప‌టి నుంచి ఈ మూడున్న‌రేళ్ల పాటు హీరో రాకింగ్ స్టార్ యశ్, ద‌ర్శ‌కుడు ప్ర‌శాంత్ నీల్ నానుతూనే వ‌స్తున్నారు.
కేజీయ‌ఫ్ దెబ్బ‌తో క‌న్న‌డ సినిమా ఇండ‌స్ట్రీ స‌త్తా ఏంటో బాలీవుడ్‌కే కాదు.. యావ‌త్ దేశానికే చెల్లింది. హీరో యశ్ రాకింగ్ స్టార్ అయిపోతే.. ఇప్పుడు దేశ‌వ్యాప్తంగా ప‌లు భాష‌ల‌కు చెందిన స్టార్ హీరోలు సైతం ప్ర‌శాంత్ నీల్‌తో ఒక్క సినిమా చేసినా చాలు జ‌న్మ ధ‌న్య‌మైపోతుంద‌న్న‌ట్టుగా ఉన్నారు. నీల్‌తో సినిమా ప‌డితే తిరుగులేని పాన్ ఇండియా ఇమేజ్ వ‌స్తుంద‌న్న ఆశ‌ల‌తో ఉన్నారు.
కేజీయ‌ఫ్ 2 రిలీజ్ కాకుండానే ప్ర‌శాంత్ నీల్ మ‌న యంగ్‌రెబ‌ల్ స్టార్ ప్ర‌భాస్‌తో సలార్ అనే పాన్ ఇండియా సినిమా తెర‌కెక్కిస్తున్నాడు. సలార్ కూడా కేజీయ‌ఫ్ లాగానే రెండు పార్టులుగా వ‌స్తోంద‌ని అంటున్నారు. వ‌చ్చే నెల‌లో సలార్ ట్రైల‌ర్ కూడా రిలీజ్ కానుంది. అయితే నిన్న సినిమా రిలీజ్ అయ్యాక కేజీయ‌ఫ్ 3 వ‌స్తుంద‌ని చివ‌ర్లో ట్విస్ట్ ఇచ్చారు.
అక్క‌డ వ‌ర‌కు బాగానే ఉంది.. కేజీయ‌ఫ్ 2 ప్ర‌మోష‌న్ల‌లో నీల్ మాట్లాడుతూ తాను య‌శ్‌తో మ‌రో సినిమా చేస్తాన‌ని చెప్పాడు. అది కేజీయ‌ఫ్ 3 సినిమాయే అన్న చ‌ర్చ‌లు స్టార్ట్ అయ్యాయి. అయితే ప్ర‌స్తుతం ప్ర‌భాస్‌తో చేస్తోన్న సలార్ సినిమా త‌ర్వాత ఎన్టీఆర్ స‌ర్‌తో కూడా ఓ సినిమా ఉంటుంద‌ని.. ఎన్టీఆర్ అంటే త‌న‌కు ఎంతో ఇష్టం అని చెప్పాడు.
దీంతో ఇప్పుడు సలార్, ఎన్టీఆర్ సినిమా త‌ర్వాత కేజీయ‌ఫ్ 3 ఉంటుందా ? లేదా ? ఎన్టీఆర్ సినిమాకు ముందే ఈ మూడో సీక్వెల్ ఉంటుందా ? అన్న‌ది మాత్రం నీల్ చెప్ప‌లేదు. కేజీయ‌ఫ్ 3 అయితే క‌న్‌ఫార్మ్ చేసేశాడు. అది ఎన్టీఆర్ సినిమాకు ముందా ? త‌ర్వాతా ? అన్న‌దే చెప్ప‌లేదు.
