అనిల్ రావిపూడి వ‌రుస హిట్ల ప‌రంప‌ర‌లోనే వ‌చ్చే నెల‌లో ఎఫ్ 3 సినిమాతో ప్రేక్ష‌కుల ముందుకు రానున్నాడు. ప‌టాస్‌తో ప్రారంభ‌మైన అనిల్ రావిపూడి ప్ర‌స్థానం స‌రిలేరు నీకెవ్వ‌రు వ‌ర‌కు అస‌లు బ్రేక్ లేకుండా విజ‌య‌వంతంగా కొన‌సాగుతోంది. కామెడీకి అనిల్ పెట్టింది పేరు. అనిల్ సినిమాలు అంటే ఎంచ‌క్కా హ్యాపీగా ఫ్యామిలీతో స‌హా ఎంజాయ్ చేయొచ్చు. మ‌హేష్‌బాబుతోనే స‌రిలేరు నీకెవ్వ‌రు లాంటి సినిమాలో కామెడీ ఎంత‌గా జ‌న‌రేట్ చేశాడో చూసి ఎంజాయ్ చేశాం.
ఇటు సీనియర్ హీరో వెంకటేష్, యంగ్ హీరో వ‌రుణ్ తేజ్ కాంబినేష‌న్లో ఎఫ్ 2 సినిమాలో అయితే ప్రేక్ష‌కుల‌ను సినిమా స్టార్టింగ్ నుంచి ఎండింగ్ వ‌ర‌కు క‌డుపు చెక్క‌ల‌య్యేలా న‌వ్వించాడు. ఈ సినిమాలో వెంకీ, వ‌రుణ్ తేజ్‌ను త‌మ‌న్నా, మెహ్రీన్‌తో పాటు వాళ్ల అమ్మ ప్ర‌గ‌తి, వాళ్ల ఇంట్లో ముస‌ల‌మ్మ‌లు అన్న‌పూర్ణ, వై. విజ‌య పెట్టే టార్చర్ మామూలుగా లేదు. ఇక్క‌డ కావాల్సినంత ఫ‌న్ జ‌న‌రేట్ చేశాడు.
ఇక ఇప్పుడు ఎఫ్ 3 స్టోరీ ఎలా ? ఉండ‌బోతోందో కూడా లైన్ బ‌య‌ట‌కు వ‌చ్చేసింది. ఎఫ్ 3 క‌థంతా డ‌బ్బు చుట్టూనే తిరుగుతుంద‌ట. భార్య‌లు త‌మ అత్యాశ‌కు త‌గిన‌ట్టుగా సంపాదించ‌మ‌ని భ‌ర్త‌ల‌ను తెగ టార్చర్ పెడుతూ ఉంటార‌ట. వాళ్ల గొంతెమ్మ కోర్కెలు తీర్చ‌లేక వెంకీ, వ‌రుణ్ ప‌డే పాట్లు… చేసేవాళ్ల‌కు కామెడీ… ఈ ప‌చ్చ నోట్ల వెంట ప‌డి ప‌రిగెట్టిన వాళ్ల జీవితాలు ఏమ‌య్యాయ‌న్న క‌థాంశంతోనే ఎఫ్ 3 సినిమా న‌డుస్తుంద‌ని అంటున్నారు.
భార్య‌ల గొంతెమ్మ కోర్కులు తీర్చేందుకు డ‌బ్బు కోసం ఇద్ద‌రు భ‌ర్త‌లు ప‌డే పోరాటం… ఆరాటం చుట్టూనే అనిల్ క‌థ న‌డిపించాడ‌ట. అయితే త‌మ‌న్నా, మెహ్రీన్ మ‌ధ్య‌లో సోనాల్ చౌహాన్ గ్లామ‌ర్ మెరుపులు హైలెట్ కానున్నాయి. భార్య‌లుగా త‌మ‌న్నా, మెహ్రీన్ పెట్టే టార్చ‌ర్‌ను త‌ట్టుకోలేని వెంకీ, వరుణ్‌లు సోనాల్ చౌహాన్‌ను వాడుకుని త‌మ భార్య‌ల‌కు బుద్ధి చెపుతార‌ట.
ఇక ఇత‌ర కీల‌క పాత్ర‌ల్లో సీనియర్ హీరో రాజేంద్రప్రసాద్ .. సునీల్ .. సంగీత .. అంజలి కనిపించనున్నారు. ఓవ‌రాల్‌గా చూస్తే సినిమాకు హిట్ కళ క‌న‌ప‌డుతోంద‌న్న టాక్ అయితే ఇండ‌స్ట్రీ వ‌ర్గాల్లో ఉంది.
