టాలీవుడ్‌లో సీనియ‌ర‌ల్ స్టార్ హీరోలైన చిరంజీవి, నాగార్జున, వెంకటేష్, బాల‌కృష్ణ గురించి ప్ర‌త్యేకంగా ప‌రిచ‌యాలు అవ‌స‌రం లేదు. 90ల‌లో ఈ న‌లుగురు హీరోల మ‌ధ్య పోటీ వేరె లెవ‌ల్‌లో ఉండేది. అయితే ఒక‌సారి అనూహ్యంగా ఈ న‌లుగురు పోలీస్ పాత్ర‌లో పోటీప‌డ్డారు. కానీ, చివ‌ర‌కు గెలిచింది మాత్రం ఒక్క‌రే. మ‌రి ఆ ఒక్క‌రు ఎవ‌రు..? అసలు ఈ న‌లుగురు హీరోలు ఏయే సినిమాల‌తో పోటీ ప‌డ్డారు..? అనేవి తెలియాలంటే లేట్ చేయ‌కుండా కింద‌కు ఓ లుక్కేసేయండి.
కింగ్ నాగార్జున హీరోగా ప్రియదర్శన్ ద‌ర్శ‌క‌త్వంలో వ‌చ్చిన చిత్రం `నిర్ణయం`. ఇందులో అమల హీరోయిన్‌గా న‌టించింది. పెళ్లికి ముందు నాగ్ తో అమల కలిసి నటించిన ఆఖరి సినిమా ఇది. శ్రీ జయభేరి ఆర్ట్ ప్రొడక్షన్స్ బ్యాన‌ర్‌పై నిర్మిత‌మైన ఈ చిత్రానికి నిజాయితీ గల పోలీస్ ఆఫీస‌ర్‌గా నటించాడు. మలయాళంలో మోహన్ లాల్ చేసిన సూప‌ర్ హిట్ ‘వందనం’ కు ఇది రీమేక్. 1991 ఫిబ్రవరి 21 విడుదలైన నిర్ణయం ప్రేక్ష‌కుల‌ను ఆక‌ట్టుకోవ‌డంలో విఫలం అయింది.
ఆ త‌ర్వాత చిరంజీవి `ఎస్.పి.పరశురాం`తో వ‌చ్చేశాడు. రవిరాజా పినిశెట్టి ద‌ర్శ‌క‌త్వం వ‌హించిన ఈ చిత్రాన్ని అల్లు అర‌వింద్ నిర్మించ‌గా.. శ్రీదేవి హీరోయిన్‌గా చేసింది. `వాల్టర్ వెట్రివేల్` అనే తమిళ చిత్రానికి ఇది రీమేక్. 1994 మార్చి 4న విడుదలైన ఈ సినిమాలో ప‌వ‌ర్ ఫుల్ పోలీస్ ఆఫీస‌ర్ ప‌ర‌శురామ్‌గా చిరు త‌న‌దైన న‌ట‌న‌తో అద‌ర‌గొట్టేశారు. కానీ, ఈ మూవీ బాక్సాఫీస్ వ‌ద్ద బోల్తా ప‌డింది.
అదే ఏడాది `సూప‌ర్ పోలీస్`గా వెంకటేష్ ప్రేక్ష‌కుల‌ను ప‌ల‌క‌రించాడు. కె.మురళీమోహన్ తెర‌కెక్కించిన ఈ చిత్రంలో నగ్మా, సౌందర్య హీరోయిన్లుగా చేశారు. సురేష్ ప్రొడక్షన్స్ పతాకంపై డి. సురేష్ బాబు నిర్మించిన ఈ యాక్ష‌న్ మూవీ సైతం అంచ‌నాల‌ను అందుకోలేక‌పోయింది.
ఇక ఆ స‌మ‌యంలోనే `రౌడీ ఇన్స్పెక్టర్`గా బాలయ్య దిగాడు. బి. గోపాల్ ద‌ర్శ‌క‌త్వం వ‌హించిన ఈ సినిమాలో విజయశాంతి హీరోయిన్‌గా న‌టించింది. అన్యాయాన్ని అంతమొందించడానికి పోలీస్ రౌడీలాగా ప్రవర్తించక తప్పదు అనే కాన్సెప్ట్‌తో ఈ సినిమాను తెరకెక్కించారు. 1992లో రిలీజ్ అయిన ఈ మూవీ ఘ‌న విజ‌యం సాధించింది. అలాగే టాలీవుడ్ సినీ ఇండస్ట్రీలో బిగ్గెస్ట్ బ్లాక్ బస్టర్ మూవీస్‌లో ఒకటిగా నిలిచింది. అలా పోలీస్ పాత్ర‌లో పోటీప‌డ్డ న‌లుగురు హీరోల్లో చివ‌రాఖ‌ర‌కు బాల‌య్య‌నే గెలిచారు.
