దివంగ‌త న‌ట‌ర‌త్న ఎన్టీఆర్‌కు స‌రైన సినీ వారసుడు అనిపించుకున్నాడు న‌ట‌సింహం బాలకృష్ణ. అటు పౌరాణికం నుంచి సాంఘీకం, చారిత్ర‌కం ఇలా ఏదైనా కూడా ఆ పాత్ర‌లో న‌టిస్తాడు అన‌డం కంటే జీవించేస్తాడు బాలయ్య. బాలయ్య జీవితంలో కొన్ని ఇంట్ర‌స్టింగ్ విష‌యాలు మ‌నం తెలుసుకుందాం.
1- 1960 జూన్ 10న బసవ తారకం- తారక రామారావు ఎనిమిదో సంతానంగా చెన్నైలో బాలకృష్ణ జ‌న్మించాడు. హైద‌రాబాద్‌లోని నిజాం కాలేజ్‌లో బాలయ్య బిఏ చ‌దివారు. మాజీ ఎమ్మెల్యే క‌దిరి బాబురావు బాల‌య్య‌కు క్లాస్‌మేట్‌.
2 – నటుడిగా బాలయ్య తాతమ్మ కల సినిమాతో 14 ఏళ్ల వ‌య‌స్సులో వెండితెర‌కు ప‌రిచ‌యం అయ్యాడు.
3 – బాలకృష్ణ కేవలం 22ఏళ్లకే వసుంధరను పెళ్లి చేసుకున్నారు. 1982లో వీరి పెళ్లి జ‌ర‌గ‌గా.. బ్రాహ్మ‌ణి, తేజ‌స్విని అనే కుమార్తెల‌తో పాటు మోక్షజ్ఞ అనే కుమారుడు సంతానంగా ఉన్నారు.
4- బాలకృష్ణ మొదటి సారి సోలో హీరోగా నటించిన సినిమా సాహసమే జీవితం. ఈ సినిమాకు భారతీ- వాసు దర్శకులుగా పనిచేశారు. 1984లో విడుదలైన ఈ మూవీ అనుకున్నంత స్థాయిలో ఆడలేదు.
5- కోదండరామిరెడ్డి – బాలయ్యది హిట్ కాంబినేషన్. నారి నారి నడుమ మురారి, బొబ్బిలి సింహం, భలే దొంగ వంటి బ్లాక్ బస్టర్ సినిమాలు వీరి కాంబోలో వ‌చ్చాయి. వీరి కాంబోలో మొత్తం 13 సినిమాలు వ‌స్తే.. అందులో 9 సూపర్ హిట్.
6- కోడి రామకృష్ణ దర్శకత్వంలో 7 సినిమాల్లో బాలకృష్ణ హీరోగా నటించారు. అందులో ఆరు చిత్రాలు బ్లాక్ బస్టర్ అయ్యాయి.
7 – లక్ష్మీ నరసింహ స్వామి భక్తుడు అయిన బాలకృష్ణకు సింహం కలిసొచ్చేలా టైటిల్ పెట్టడం సెంటిమెంట్ అయ్యింది. సింహం టైటిల్ వ‌చ్చేలా సింహం నవ్వింది – బొబ్బిలి సింహం – సమర సింహా రెడ్డి – నరసింహా నాయుడు – సీమ సింహం – లక్ష్మీ నరసింహా – సింహా – జై సింహా సినిమాల టైటిల్స్‌లో సింహా ఉంది.
8- బాల‌య్య‌కు పోలీస్ రోల్స్ కూడా బాగా క‌లిసి వ‌చ్చాయి. ఇప్పటి వరకు ఆయన ఏకంగా 12 చిత్రాలలో పోలీస్ గా కనిపించారు. ఇందులో రౌడీఇన్‌స్పెక్ట‌ర్‌, లక్ష్మీ నరసింహా సూపర్ హిట్.
9 – 1987లో బాలకృష్ణ నటించిన 8 సినిమాలు రిలీజ్ అయ్యాయి. బాలయ్య కెరీర్‌లో ఒకే యేడాది ఎక్కువ సినిమాలు రిలీజ్ అయ్యింది ఈ యేడాదే.
10- బాలకృష్ణ-విజయశాంతిలది సూపర్ హిట్ పెయిర్. వీరిద్ద‌రు ఉన్నారంటే మార్కెట్ షేక్ అయ్యేది. వీరు 17 సినిమాల్లో క‌లిసి నటించారు.
11 – తండ్రి ఎన్టీఆర్, అన్న హరికృష్ణతో పాటు శ్రీకృష్ణార్జున విజయం, పాండురంగడు సినిమాల్లో శ్రీ కృష్ణుడిగా నటించిన బాలయ్య.. తండ్రి ఎన్టీఆర్ పోషించిన శ్రీరాముడు, శ్రీకృష్ణుడు, అర్జునుడు, శ్రీకృష్ణదేవరాయలు,దుష్యంతుడు, హరిశ్చంద్రుడు వంటి పౌరాణిక, చారిత్ర‌క పాత్ర‌లు పోషించ‌డం కూడా అరుదైన రికార్డు.
12- బాలయ్య ప్ర‌యోగాత్మ‌క సినిమాలు కూడా చేశాడు. ఆదిత్య 369 హాలీవుడ్ రేంజ్ వినోదం ప్రేక్ష‌కుల‌కు అందించింది. ఈ సినిమాకు సీక్వెల్ గా ఆదిత్య 999 చేసే ఆలోచనలో బాలయ్య ఉన్నారు.
13 – బాల‌య్య‌కు నరసింహానాయుడు – సింహా – లెజెండ్ సినిమాల‌కు మొత్తంగా 3 సార్లు నంది అవార్డు వ‌చ్చింది.
14- బాలయ్య స్వీయ దర్శకత్వంలో న‌ర్త‌న‌శాల సినిమా షూటింగ్ ప్రారంభ‌మైన దివంగ‌త న‌టి సౌంద‌ర్య మ‌ర‌ణంతో ఆగిపోయింది.
15 – బాలయ్య నట వారసుడు మోక్షజ్ఞ హీరోగా ఎంట్రీ ఇవ్వాలని ఫ్యాన్స్ కోరుకుంటున్నారు. మోక్షు ఎంట్రీకి త్వ‌ర‌లోనే రంగం సిద్ధ‌మ‌వుతోంది. ఇక బాలయ్య – జూనియ‌ర్ ఎన్టీఆర్ క‌లిసి మ‌ల్టీస్టార‌ర్ సినిమా చేయాల‌ని నంద‌మూరి అభిమానులు ఎప్ప‌టి నుంచో వేడుకుంటున్నారు.
