పూర్ణ.. ఈ పేరుకు ప‌రిచ‌యాలు అవ‌స‌రం లేదు. ఆమె అసలు పేరు షామ్నా. కేర‌ళ‌లో జ‌న్మించిన ఈ ముద్దుగుమ్మ డ్యాన్స‌ర్‌గా కెరీర్‌ను స్టార్ట్ చేసి.. `మంజు పొలోరు పెంకుట్టి` అనే మ‌ల‌యాళ చిత్రం ద్వారా సినీరంగ ప్రవేశం చేసింది. ఇటు శ్రీ మహాలక్ష్మి సినిమాతో టాలీవుడ్‌లోకి ఎంట్రీ ఇచ్చిన ఈ బ్యూటీ అవును, అవును 2, సీమ టపాకాయ్ చిత్రాల‌తో మంచి న‌టిగా గుర్తింపు ద‌క్కించుకుంది. కానీ, స్టార్ హీరోల సినిమాల్లో మాత్రం అవ‌కాశాలు ద‌క్కించుకోలేక‌పోయింది.
అయితే కెరీర్ డ‌ల్ అవుతున్న స‌మ‌యంలో ప్ర‌ముఖ రియాలిటీ షో `ఢీ`కి జ‌డ్జ్‌గా వ‌చ్చి మ‌ళ్లీ ద‌ర్శ‌కుల కంట్లో ప‌డింది. దీంతో పుర్ణ‌కు వ‌రుస అవ‌కాశాలు త‌లుపు త‌డుతున్నాయి. ఇక ఇటీవ‌ల బ్యాక్‌డోర్‌, అఖండ, దృశ్యం 2 చిత్రాల‌తో పాటు 3 రోజెస్ వెబ్ సిరీస్‌తో ప్రేక్ష‌కుల‌ను ప‌ల‌క‌రించిన పూర్ణ.. వ‌య‌సు ముప్పై దాటినా ఇంకా పెళ్లి ఊసే ఎత్త‌డం లేదు.
అసలు పెళ్లి అంటేనే ఆమె భ‌య‌ప‌డుతుంది. అందుకు కార‌ణం లేక‌పోలేదు. గ‌తంలో ఓ దొంగ ముఠా పూర్ణ తల్లిదండ్రులను సంప్రదించి పెళ్లి సంబంధం మాట్లాడారు. వారి మాయ మాట‌లు న‌మ్మి పూర్ణ, ఆమె త‌ల్లిదండ్రులు కూడా వివాహానికి అంగీకరించారు. ఈ క్ర‌మంలోనే త‌న‌కు కాబోయే అబ్బాయితో వివాహం అనంత‌రం జీవితాన్ని ఎలా గడపాలి అనే విషయాన్ని కూడా పూర్ణ చ‌ర్చించుకుంద‌ట.
అయితే అంతా స‌వ్యంగా సాగుతున్న స‌మ‌యంలో స‌ద‌రు దొంగ ముఠా గుట్టు ర‌ట్టైంద‌ట. సినీ ఇండస్ట్రీలో ఈ వార్త అప్పట్లో సంచలనంగా మారింది. చివరకు పోలీసులు రంగ ప్రవేశం చేసి.. పూర్ణను మోసం చేసిన ముఠాను జైల్లోకి నెట్టారు. ఇక అప్ప‌టి నుంచీ పెళ్లిపై విర‌క్తి పెంచుకున్న పూర్ణ..ఇప్పట్లో నాకు వివాహం వద్దని తల్లిదండ్రులతో చెప్పేసింద‌ట.
