బాహుబ‌లి చిత్రంలో తెలుగు సినిమా సత్తా ఏంటో యావత్ ప్రపంచానికి చాటిచెప్పిన దర్శకధీరుడు రాజమౌళి.. షూటింగ్ విషయంలో మాత్రం ఎప్పుడూ లేటే. దాదాపు ఐదేళ్లు క‌ష్ట‌ప‌డి బాహుబ‌లి చిత్రాన్ని జ‌క్క‌న్న తెర‌కెక్కించాడు. ఆయ‌న‌పై న‌మ్మ‌కంతో ప్రభాస్ కూడా తన కెరీర్లో 5 ఏళ్లు బాహుబ‌లికే కేటాయించాడు. అయితే రాజమౌళి ప్రస్తుతం చేస్తున్న ఆర్ఆర్ఆర్‌ చిత్రం షూటింగ్ కొన్ని చిన్న చిన్న సీన్స్ మినహా పూర్తి చేసి రిలీజ్ కు సిద్ధంగా ఉన్నాడు.
ఈ క్ర‌మంలో ఆర్ఆర్ఆర్‌ సినిమాను ఎప్పుడో రిలీజ్ చేయాల్సింది. కానీ, జ‌క్క‌న్న మాత్రం కొన్ని అనివార్య కారణాల వల్ల సినిమా రిలీజ్ చేయ‌లేక డేట్‌ను వాయిదా వేశారు. దీంతో ఇప్పుడు ఈ సినిమా ఎప్పుడు విడుద‌ల అవుతుందో ఎవ‌రికీ అర్థం కావ‌డం లేదు. అయితే ఈ సినిమా తరువాత రాజమౌళి టాలీవుడ్ ప్రీన్స్ మహేష్ బాబు తో ఓ సినిమా చేయాలని ఫిక్స్ అయ్యాడు. ఇప్పటికే మహేష్ బాబు కోసం రాజమౌళి తండ్రి విజయేంద్ర ప్రసాద్ కథ సిద్ధం చేస్తున్నట్లు సమాచారం. ఈ క్రమంలోనే రాజమౌళి మహేష్ బాబుతో ఓ ఆఫ్రికన్ జంగిల్ అడ్వెంచర్ చేయాలని చూస్తున్నట్టు విజయేంద్ర ప్రసాద్ చెప్పుకొచ్చారు. ప్రస్తుతం ఆ సినిమా ఎలా చేయగలమని ఆలోచనలో ఉన్నట్లు ఈ సందర్భంగా మహేష్ బాబు సినిమా గురించి లీక్ చేశారు.
ప్రస్తుతం టాలీవుడ్ సూపర్ స్టార్ మహేష్ బాబు హీరోగా నటిస్తున్న చిత్రం సర్కారు వారి పాట. స‌రిలేరు నీకెవ్వ‌రు లాంటి సూపర్ హిట్ త‌ర్వాత మహేష్ న‌టిస్తోన్న ఈ సినిమాపై లెక్క‌కు మిక్కిలిగా అంచ‌నాలు ఉన్నాయి. మహేష్ మూడు వ‌రుస హిట్ల‌తో ఫుల్‌స్వింగ్లో ఉన్నాడు. దీంతో సర్కారు వారి పాట హిట్ అయితే మహేష్ క్రేజ్ ఏ రేంజ్‌కు వెళ్లిపోతుందో ప్ర‌త్యేకంగా చెప్ప‌క్క‌ర్లేదు. ప్రస్తుతం మహెష్ బాబు ఈ సినిమా షూటింగ్ లో బిజీ బిజీగా ఉన్నారు.
