ప్రస్తుతం ఉన్న యంగ్ యాంకర్ లలో ఎనర్జ్టిక్ యాంకర్ ఎవరంటే టక్కున చెప్పే సమాధానం..శ్రీముఖి. ఈ అమ్మడు తెలుగు బుల్లితెర‌పై ఎలాంటి క్రేజ్ ఉందో ప్రత్యేకంగా చెప్ప‌క్క‌ర్లేదు. ప్రస్తుతం బుల్లితెర స్టార్ యాంక‌ర్‌గా స‌త్తా చాటుతున్న శ్రీముఖి హీరోయిన్ల రేంజ్ పాపులారిటీ సంపాదించుకుంది అనడంలో ఏమాత్రం సందేహం లేదు.. వెండితెర‌పై న‌టిగా కూడా మంచి గుర్తింపు తెచ్చుకున్న ఈ బ్యూటి.. తాజాగా యాంకర్ శ్రీముఖి ప్రధాన పాత్రలో నటించిన ‘క్రేజీ అంకుల్స్’.. అనే సినిమా ధియేటర్స్ లో విడుదలైంది. అయితే ఈ సినిమాని కొంతమంది మహిళలు నిలిపివేయాలంటూ నినాదాలు చేస్తున్నారట.
‘క్రేజీ అంకుల్స్’..సినిమ వయస్సు మళ్లిన అంకుల్స్‌కి, ఓ యువతి మధ్య జరిగే రొమాన్స్‌పై నడుస్తోంది. సింగర్ మనో, రాజా రవీంద్ర, భరణిలు ప్రధాన పాత్రల్లో నటించరు. అయితే ఈ సినిమా కామెడీ పరంగా బాగున్నా మహిళల పట్ల కించపరిచే విధంగా ఉందని మహిళ సంఘాలు మండిపడుతున్నాయి. ఇలాంటి సినిమాలు చూడడం వల్ల కుటుంబాల మధ్య చిచ్చులు పెట్టుకోవాల్సి వస్తుందని.. అందుకే ఈ సినిమాని ఆపివేయాలని మహిళా సంఘం వారు డిమాండ్ చేస్తున్నారు.
మహిళలను కించపరిచే విధంగా ఈ సినిమా ఉందని తెలంగాణ మహిళా హక్కుల వేదికకు చెందిన పలువురు మహిళా హక్కుల కార్యకర్తలు ‘క్రేజీ అంకుల్స్’ బృందంపై కేసు నమోదు చేశారు. నిరసనకారులు సినిమాను నిషేధించాలని డిమాండ్ చేశారు. పలు థియేటర్ల వద్ద కూడా మహిళలు నిరసన తెలిపారు.
