టాలీవుడ్ డ్యాషింగ్ డైరెక్టర్ పూరి జగన్నాథ్ తనయుడు ఆకాశ్ పూరి గురించి ప్ర‌త్యేకంగా ప‌ర‌చ‌యాలు అవ‌స‌రం లేదు. మెహ‌బూబా చిత్రంతో టాలీవుడ్‌లోకి ఎంట్రీ ఇచ్చిన ఆకాశ్.. రెండో ప్ర‌య‌త్నంగా రొమాంటిక్ సినిమాలో న‌టించారు. అనిల్ ప‌డూరిని ద‌ర్శ‌క‌త్వం వ‌హించిన ఈ చిత్రంలో కేతిక శ‌ర్మ హీరోయిన్‌గా న‌టించింది.
సినిమా విష‌యం ప‌క్క‌న పెడితే.. ఆకాశ్ పూరికి సంబంధించి ఓ వార్త నెట్టింట్లో తెగ వైర‌ల్ అవుతోంది. ఇంత‌కీ విష‌యం ఏంటంటే.. న‌టి హేమ కూతురు ఇషాతో ఆకాశ్ పూరి ప్రేమ‌లో ఉన్నాడ‌ని.. పెళ్లి కూడా చేసుకోబోతున్నాడ‌ని.. దాంతో త్వ‌ర‌లోనే పూరి జగన్నాథ్ – హేమ బంధువులు కాబోతున్నార‌న్న వార్త‌లు ఇప్పుడు సోషల్ మీడియాలో హాట్ టాపిక్‌గా మారాయి.
అయితే తాజాగా హేమ వీటిపై స్పందిస్తూ.. పూరీ జగన్నాథ్ త‌న‌కు అన్న‌య్య‌తో స‌మాన‌మ‌ని, అందుకే కాస్త చ‌న‌వుగా ఉంటామ‌ని చెప్పింది. అయితే ఆకాశ్-ఇషా పెళ్లిపై వ‌స్తున్న వార్త‌ల్లో ఎలాంటి నిజం లేద‌ని హేమ తేల్చేసింది. ఇషా పెద్ద‌ల కుదిర్చిన పెళ్లే చేసుకుంటాన‌ని ఇప్ప‌టికే త‌న‌కు మాట ఇచ్చింద‌ని.. ఒక‌వేళ తాను ఎవ‌రినైనా ప్రేమించినా పెళ్లి చేస్తామ‌ని హేమ తెలిపింది.
