టాలీవుడ్ స్టైలిష్ అల్లు అర్జున్ పాలిటిక్స్‌లోకి రాబోతున్నారా అంటే.. అవున‌నే సమాదాన‌మే వినిపిస్తోంది. అయితే రియ‌ల్ లైఫ్‌లో కాదండోయ్ రీల్ లైఫ్‌లో అల్లు అర్జున్ రాయ‌కీయ నాయ‌కుడిగా మార‌బోతున్నాడు. ప్ర‌స్తుతం బన్నీ క్రియేటివ్ డైరెక్ట‌ర్ సుకుమార్ ద‌ర్శ‌క‌త్వంలో `పుష్ప` సినిమా చేస్తున్న సంగ‌తి తెలిసిందే.
షూటింగ్ ద‌శ‌లో ఉన్న ఈ చిత్రం వ‌చ్చే ఏడాది విడుద‌ల కానుంది. అయితే ఈ చిత్రం త‌ర్వాత బన్నీ కొర‌టాల శివ ద‌ర్శ‌క‌త్వంలో ఓ సినిమా చేయ‌నున్న సంగ‌తి తెలిసిందే. ఇప్ప‌టికే ఈ చిత్రంపై అధికారిక ప్ర‌క‌ట‌న కూడా వ‌చ్చేసింది. ఎప్పటిలాగే శివ సినిమాలంటే మెసేజ్ ఒరియెంటేడ్‌గా ఉంటాయని తెలిసిందే. ఈ సినిమాతో కూడా కొర‌టాల ప్ర‌జ‌ల‌కు మంచి మెసేజ్ ఇవ్వ‌నున్నాడ‌ట.
ఇక తాజాగా వినిపిస్తున్న స‌మాచారం ప్ర‌కారం.. ఈ చిత్రంలో బన్నీ స్టూడెంట్‌గా మ‌రియు పొలిటిక‌ల్ లీడ‌ర్‌గానూ క‌నిపించ‌నున్నాడ‌ట. అలాగే ఈ చిత్రంలో కొర‌టాల పేద‌రికం, నిర‌క్ష‌రాస్య‌త గురంచి ప్ర‌స్తావించ‌నున్నాడ‌ట. మ‌రి ఇందులో ఎంత వ‌ర‌కు నిజ‌ముందో త్వ‌ర‌లోనే తెలియ‌నుంది. కాగా, ఈ చిత్రాన్ని యువసుధ ఆర్ట్స్, జి ఏ 2 పిక్చర్స్ కలిసి సంయుక్తంగా నిర్మిస్తున్నాయి.
