టీమిండియా సారథి విరాట్‌ కోహ్లి దంపతులుకు ఉన్న క్రేజ్‌, ఫాలోయింగ్‌ గురించి ప్రత్యేకంగా చెప్పక్కర్లేదు. వీరు ఏం చేసినా పెద్ద సంచ‌ల‌న‌మే అవుతుంది. భార‌తీయుల‌చే విరుష్క‌గా ముద్దుగా పిలుచుకోబ‌డే ఈ జంట తాజాగా ఓ రికార్డు క్రియేట్ చేశారు. ఇన్స్టాగ్రామ్ పాపులర్‌ సిరీస్‌ ‘టేక్ ఏ బ్రేక్’లో కనిపించిన తొలి భారతీయులుగా రికార్డు సృష్టించారు. ఇన్స్టాగ్రామ్ వేదికగా నిర్వహించే ఈ సిరీస్‌కు వ‌ర‌ల్డ్ వైడ్‌గా తిరుగులేని పాపులారిటీ ఉంది. మార్క్ జుక‌ర్ బ‌ర్గ్ యాజ‌మాన్యంలోని ఇన్స్టాగ్రామ్ ప్ర‌పంచ వ్యాప్తంగా కేవ‌లం 59 ఐకానిక్ ప‌ర్స‌నాలీటీస్‌ను మాత్ర‌మే ఫాలో అవుతోంది.
ఇప్పుడు ఈ లిస్టులోకి విరుష్క దంప‌తులు కూడా చేరారు. భారత్‌ నుంచి ఈ ఘనత సాధించిన ఏకైక కపుల్‌గా వీరు రికార్డు సృష్టించారు. ఈ సిరీస్‌లో యూత్‌ ఐకాన్‌లుగా నిలిచే వారి వ్యక్తిగత జీవితాల గురించి లోతైన విషయాలను వెల్లడిస్తారు. ఇక విరుష్క‌ల టేక్ ఏ బ్రేక్‌లో వీరు వ్యక్తిగత జీవితాలే కాక.. వీరి ఇష్టాఇష్టాల‌పై కూడా ఒక‌రినొక‌రు ప్ర‌శ్న‌లు సంధించుకుంటారు. వీరి దాంప‌త్య జీవితం గురించి కూడా ప‌లు అంశాలు చెప్పుకోవ‌చ్చు. ఇక 24 గంటల వ్యవధిలోనే ఈ వీడియోను 150 మిలియన్ల మంది విక్షించి రికార్డు సృష్టించారు.
