సినిమా ఇండ‌స్ట్రీలో ప్రేమ‌లు, పెళ్లిళ్లు, విడిపోవ‌డాలు చాలా చాలా కామ‌న్‌. వీరు ఎంత త్వ‌ర‌గా ప్రేమించుకుంటారో అంతే త్వ‌ర‌గా విడిపోతారు. ఎప్పుడు ఎవ‌రు ఎవ‌రిని ప్రేమిస్తారో ? ఎవ‌రితో ఉంటారో ? ఎవ‌రితో విడిపోతారో ? చివ‌ర‌కు ఎవ‌రిని చేసుకుంటారో వీరికే అర్థం కాదు. సినిమా వాళ్ల‌లో చాలా జంట‌లు ప్రేమించుకుని.. ఏళ్ల‌కు ఏళ్లుగా తిరిగి పెళ్లి చేసుకుంటాం అని చెప్పి చివ‌ర‌కు విడిపోతుంటారు. ఈ లిస్టు పెద్ద‌దే అయినా కొంద‌రు ప్ర‌ముఖ హీరో, హీరోయిన్ల ప్రేమ‌లు ఎలా పెటాకులు అయ్యాయో చూద్దాం.
న‌య‌న‌తార ముందుగా శింబుతో ప్రేమాయ‌ణం న‌డిపింది.. ఆ త‌ర్వాత పెళ్లి వ‌ర‌కు వెళ్లాక వీరు విడిపోయారు. ఆ త‌ర్వాత ప్ర‌భుదేవాతో ప్రేమ‌న‌డిపి పెళ్లి చేసుకునే వ‌ర‌కు వెళ్లింది. న‌య‌న‌ను పెళ్లి చేసుకునేందుకే ప్ర‌భు త‌న భార్య‌కు విడాకులు ఇచ్చాడు. ఇప్పుడు విఘ్నేష్ శివ‌న్‌తో ప్రేమ‌లో ఉంది. ఇక త్రిష కూడా శింబును ప్రేమించింది.. ఆ త‌ర్వాత రానాతో ఆమె య‌వ్వారాలు అన్ని ప‌బ్లిక్‌గానే బ‌య‌ట ప‌డ్డాయి. ఇక బాలీవుడ్‌లో 1990లో పోడుగు కాళ్ల సుంద‌రి శిల్పాశెట్టి – అక్ష‌య్‌కుమార్ ప్రేమించుకున్నారు. కానీ అక్ష‌య్ శిల్పాకు హ్యాండ్ ఇచ్చి మ‌రో హీరోయిన్ ట్వింకిల్ ఖ‌న్నాను పెళ్లాడు. శిల్పాతో విడిపోయాక అక్ష‌య్ ర‌వీనా టాండ‌న్‌తోనూ ప్రేమాయ‌ణం న‌డిపాడు.
ఇక ఉద‌య్‌కిర‌ణ్ కు , మెగాస్టార్ చిరు పెద్ద కుమార్తె సుస్మిత‌తో ఎంగేజ్‌మెంట్ కూడా అయ్యింది. ఆ త‌ర్వాత ఇది క్యాన్సిల్ అయ్యింది. ఇది అప్ప‌ట్లో పెద్ద సంచ‌ల‌నం. ఇక ఆర్తి అగ‌ర్వాల్ – త‌రుణ్ ప్రేమాయ‌ణం అప్ప‌ట్లో ఇండ‌స్ట్రీలో పెద్ద హాట్ టాపిక్‌. ఇక శింబు – హ‌న్సిక కూడా ప్రేమించుకుని పెళ్లి వ‌ర‌కు వెళ‌తార‌నుకున్న టైంలో విడిపోయారు. ఇంకా ఇలాంటి హీరో, హీరోయిన్ల లిస్టు చాలానే ఉంది.
