టాలీవుడ్ క్రేజీ హీరోల్లో యంగ్ టైగర్ ఎన్.టి.ఆర్ ఒకరు. స్టార్స్ అందరిలో నటుడు అనగానే ముందు గుర్తొచ్చే పేరు తారక్ దే.. అయితే మిగతా స్టార్స్ కూడా దేనికి తీసిపోలేదు. ఇదిలాఉంటే యంగ్ టైగర్ ఎన్.టి.ఆర్ తో తనకున్న అనుభవం గురించి చెబుతూ సర్ ప్రైజ్ చేశాడు జెడి చక్రవర్తి. ఆరెక్స్ 100 హీరో కార్తికేయ హీరోగా వస్తున్న హిప్పీ సినిమాలో జెడి చక్రవర్తి నటించాడు.
ఆ సినిమా ప్రమోషన్స్ లో భాగంగా ఇచ్చిన ఇంటర్వ్యూస్ లో ఎన్.టి.ఆర్ గురించి స్పెషల్ గా మాట్లాడాడు జెడి చక్రవర్తి. ఓసారి ఎన్.టి.ఆర్ కారుని ఎక్కడం జరిగిందని అప్పుడు తను కళ్లు మూసుకొమ్మని చెప్పి తన పాట మేఘాలలో తేలిపొమ్మన్నది సాంగ్ పెట్టి కారుని 100 స్పీడ్ మీద పొనిచ్చాడని.. అప్పటి నుండి ఎన్.టి.ఆర్ తారక్ కారు ఎక్కలేదని అన్నాడు జెడి చక్రవర్తి.
ఒకప్పుడు హీరోగా నటించిన జెడి చక్రవర్తి ఇప్పుడు సపోర్టింగ్ రోల్స్ కు పరిమితమయ్యాడు. డైరక్టర్ గా కూడా ప్రయత్నం చేసిన జెడి అందులో కూడా సక్సెస్ కాలేదు. ఈమధ్య తెలుగులో వరుస అవకాశాలను అందుకుంటున్న జెడి చక్రవర్తి ఎలాంటి రోల్ అయినా చేసేందుకు ఓకే అంటున్నాడు. హిప్పీలో తన పాత్ర చాలా కొత్తగా ఉంటుందని హీరోకి ప్రతి విషయంలో సపోర్ట్ చేసేలా పాత్ర ఉంటుందని అన్నారు.
ఇక ఇండస్ట్రీలో స్టార్స్ గురించి ప్రస్థావిస్తూ చిరంజీవి గారిని చూస్తే ఆయన ఎనర్జీ గుర్తుకొస్తుందని.. బాలయ్యలో కాన్ ఫిడెన్స్ బాగుంటుందని.. నాగార్జున గారు స్వీట్ పర్సన్.. వెంకటేష్ బ్రాడ్ షోల్డర్స్ తనకు ఇష్టమని అన్నాడు జెడి చక్రవర్తి. మహేష్ బాబు పోకిరి సినిమా ఇష్టమని.. ఆయన ఆ సినిమాలో నాచురల్ గా కనిపించారని.. అందుకే ఆ సినిమా నాకు ఇష్టమని చెప్పారు జెడి.
