మెగా ఫ్యామిలీ నుంచి ఇప్పటి వరకు ఎంతో మంది హీరోలు వచ్చారు. అల్లువారి ఫ్యామిలీ నుంచి అల్లు అర్జున్ హీరోగా ‘గంగోత్రి’సినిమాతో పరిచయం అయ్యాడు. ఆ తర్వాత బన్ని, ఆర్య, దేశముదురు సినిమాలతో స్టైలిష్ స్టార్ గా మారిపోయాడు అల్లు అర్జున్. నాపేరు సూర్య సినిమా తర్వాత చాలా గ్యాప్ తీసుకున్న అల్లు అర్జున్ ప్రస్తుతం త్రివిక్రమ్ శ్రీనివాస్ తో ఓ సినిమాలో నటిస్తున్నాడు.
ఈ మద్య అల్లు అరవింద్, అల్లు అర్జున్ మద్య గొడవలు వస్తున్నాయని, సినిమాలకు సంబంధించిన విషయాల్లో ఇద్దరి ఆలోచనలు భిన్నంగా ఉన్నాయని.. ఇద్దరికీ అసలు పడడం లేదని ఈ మధ్యకాలంలో కొన్ని వార్తలు వచ్చాయి. ఈ నేపథ్యంలో అల్లు అర్జున్ ఓ పత్రికకు ఇచ్చిన ఇంటర్వ్యూలో తన తండ్రితో గొడవపై క్లారిటీ ఇచ్చాడు. నాన్నతో నాకు పడడం లేదని ఈ మధ్య వార్తలు వచ్చాయి… అది అవి నేను కూడా చదివా.. నేను, నాన్న ఒకే ఇంట్లో ఉంటున్నాం.
మా మద్య గొడవలు ఏంటో నాకు అర్థం కాలేదు..ఏ సినిమా గురించైనా సరే మా నాన్నతో మాట్లాడుతాను..అలాంటిది మా మధ్య గొడవలేంటి..? ఈ వార్తలు చూసి నవ్వుకున్నాం.. ఫన్నీగా అనిపించాయి” అంటూ క్లారిటీ ఇచ్చాడు. ప్రతి సినిమాలో తనను తాను కొత్తగా ఆవిష్కరించుకోవడానికి చూస్తుంటానని చెప్పుకొచ్చాడు. సినిమా బ్యాక్ గ్రౌండ్ ఉన్నా లేకుండా.. ఫైనల్ గా టాలెంట్ ముఖ్యమని.. ప్రతిభ ఉన్నవాళ్ళే ఇండస్ట్రీలో కొనసాగుతారని అన్నారు.
