టాలీవుడ్ సంచలన దర్శకుడు రాంగోపాల్ వర్మ రాజకీయ నేపథ్యంలో ‘లక్ష్మీస్ ఎన్టీఆర్’సినిమా నిర్మించారు. ఈ సినిమా షూటింగ్ మొదలు ఇప్పటి వరకు ప్రతిరోజూ ఏదో ఒక సెన్సేషన్ క్రియేట్ చేస్తూనే ఉన్నారు. ఈ సినిమా లో సీఎం చంద్రబాబు నాయుడిని నెగిటీవ్ గా చూపిస్తున్నారని టీడీపీ శ్రేణులు మూవీ రిలీజ్ ని ఆపడానికి ప్రయత్నించాయి. కానీ ఎలక్షన్ కమీషన్ రిలీజ్ కి గ్రీన్ సిగ్నల్ ఇచ్చింది.
ఇక ఈ సినిమాకు ఎలాంటి అడ్డంకులు లేవని వర్మ తన ట్విట్టర్ లో పేర్కొన్నారు. 22 న ఎట్టి పరిస్థితుల్లోనూ రిలీజ్ అవుతుందని చెప్పారు. కానీ ఇంతలోనే లక్ష్మీస్ ఎన్టీఆర్ సినిమా విడుదల మరోమారు వాయిదా పడింది. ఎన్నికల ముందు సినిమా విడుదలను ఒప్పుకునేది లేదని, ఓటర్లపై ఈ సినిమా ప్రభావం చూపే అవకాశం ఉందని పేర్కొంటూ సెన్సార్ బోర్డు అభ్యంతరం వ్యక్తం చేసింది. దీంతో ఆగ్రహం వ్యక్తం చేసిన వర్మ కోర్టు కెళ్తానని ప్రకటించాడు.
వెంటనే సెన్సార్ బోర్డుతో నెలకొన్న అపార్థాలు తొలగిపోయాయని వర్మ ప్రకటించాడు. సెన్సార్ కార్యక్రమాలు జరుగుతున్నాయని పేర్కొన్నాడు.ఈ నెల 22న సినిమాను విడుదల చేయడం సాధ్యం కాదని ఓ నిర్ణయానికి వచ్చిన వర్మ 29న విడుదల చేయాలని నిర్ణయించాడు. అనంతరం అభ్యంతరకరంగా ఉన్న సీన్లు, సంభాషణలు తొలగించి రీ స్క్రీన్ చేయడానికి మరింత సమయం పట్టే అవకాశం ఉంది. అన్ని అడ్డంకులు తొలగించుకొని ఈ నెల 29 న రిలీజ్ చేసేందుకు సిద్దంగా ఉన్నాడు వర్మ
