ప్రముఖ నటి సోనాలి బింద్రే క్యాన్సర్ బారిన పడినట్టు ఈ రోజు తన అఫిషియల్ ట్విట్టర్ ఎకౌంట్ ద్వారా స్వయంగా వెల్లడించారు. ప్రస్తుతం సోనాలి వైద్యుల సలహా మేరకు అమెరికా లోని న్యూయార్క్ లో చికిత్స పొందుతున్నారు. ఈ విషయం పై సోనాలి ట్విట్టర్ లో పోస్ట్ చేస్తూ ” కొన్ని సార్లు జీవితం నుంచి తక్కువగా ఆశిస్తుంటాం. జీవితం మలుపులతో కూడిన పరీక్షలాంటిది, నాకు ఇటీవల శరీరం లో కొంత నొప్పిగా ఉందని ఆసుపత్రి లో కొన్ని పరీక్షలు చేయించుకోగా ఈ వ్యాధి సోకిందని డాక్టర్లు తెలిపారు”. నా కుటుంబ సభ్యులు, స్నేహితులు ఇటువంటి సమయంలో నా పై ఎంతో ఆదరణ చూపిస్తున్నారు, వారికి నేను ఎంతో రుణ పడి ఉన్న, ఇలాంటి వారు నా చుట్టూ ఉండటం నా అదృష్టం’..
ఇప్పుడు మేమంతా సానుకూలంగా ఆలోచించి, ఈ మార్గంలో అనుక్షణం పోరాడాలి, కుటుంబ సభ్యులు, స్నేహితులే నా బలంగా పోరాడుతాను’ అని ఆమె పోస్ట్‌లో పేర్కొన్నారు.
సోనాలి తెలుగులో ఖడ్గం, ఇంద్ర, మురారి, మన్మథుడు, శంకర్‌ దాదా ఎంబీబీఎస్‌ వంటి హిట్ చిత్రాలలో నటించారు.
