మన పక్కింటి కుర్రాడు నిర్మాత గా మారిన సంగతి మీరు అందరికి తెలిసిందే. అదేంటి మన పక్కింటి కుర్రాడు ఏంటి .? నిర్మాతగా మారడం ఏంటా అనుకుంటున్నారా ..? అదే నండి హీరో నాని. ఇతగాడు నిర్మాతగా మారి ఒక మంచి సినిమాను తెలుగు ప్రేక్షకులకు అందించాలని తెగ ఆరాటపడిపోతున్నాడు.
ఈ సినిమాకి ‘అ‘ అనే టైటిల్ ఖరారు చేశారు. ఇటీవలే ఈ సినిమా ఫస్ట్‌లుక్‌, టైటిల్ విడుదల చేశారు. ‘ప్రపంచంలో నేను.. నాలోని ప్రపంచం..’ అనేది ట్యాగ్ లైన్. నాని సినిమాపై రానా ట్విటర్‌ ద్వారా స్పందించారు. ‘ఆల్‌ ది బెస్ట్‌ నాని. లాట్స్‌ ఆఫ్‌ లవ్‌. నీకు ఏ సాయం కావాలన్నా మేమున్నాం‘ అని ట్వీట్‌ చేశారు. దీనికి నాని రిప్లై ఇస్తూ.. ‘థ్యాంక్యూ బాబాయ్‌. ఆ విషయంలో ఏమాత్రం సందేహం లేదు‘ అని రీట్వీట్ చేశాడు.
నాని నిర్మాతగా మొదటిసారి ప్రయత్నిస్తూ ఉన్నాడు. ‘అ‘ సినిమా హిట్ అయితే.. నాని నిర్మాణంలో మరిన్ని సినిమాలు రావొచ్చు. ఇప్పటికే హీరోగా విభిన్నమైన సినిమాలు చేస్తూ అలరిస్తున్నాడు నాని. ఇప్పుడు నిర్మాతగానూ తన టాలెంట్ ని చూపించబోతున్నాడు.
